Lunglawmh Awk Taktak: Thantlang Um Mi CNA/CDF Kan Ralkap Hna Caah Arcerh Khua Nih Vok Thau An Hlut Hna Ee

Thantlang peng Arcirh khua mi hna nih Thantlang um CNA le CDF meh caah Vok an hlut hna tiah CNA Ralbawi pakhat sinin thawng kan theih.

Thantlang um Lai Ralkap hna hi SAC ralkap hna he nifatinte an i kah cuahmah lio a si an i kahnak a fah caah SAC lei nih Jet Fighter tiangin an hman i an den thluamah hna, tutiangah hi kahdohnak ruangah Lai Ralkap lei in hliamhma pu le nunnak liam mi an um lo Pathian nih a kilven in a huhphenh hna.

Relchap>>>>Karenni Ramkulh Ah 2022 Kum Chung Ah SAC Ralkap 800 Hrawng An Thi
================
Karenni (Kayah) ramkulh chung ah 2022 kumkhat chung kahdohnak voi 340 leng a chuak i SAC ralkap 800 deng an thi tiah Karenni National Defence Force (KNDF) nih nihin January 6 ah cathanh an chuah.

KNDF le Karenni Army (KA) phu komh le SAC ralkap kar kahdohnak voi 341 a chuak i SAC ralkap 797 an thi i 93 hliam an tuar,SAC ralkap camp zeimawzat kan chuh hna tiah an langhter.

SAC nih Voi 150 renglo Vanlawng in an kan kah caah tualchung mi 23 an thi i 64 hliam an tuar, Inn 67 a kaang i, Biaknak he ai pehtlaih mi inn 4 le Pura pakhat a rawk tiah an langhter chih.

SAC ralkap meithal zun 33 , Hriamngan zun 7 le zenkuan tamlak kan lak pin ah SAC ralkap 11 a nung in kan tlaih hna i SAC ralkap Battalion (66) in ralkap 7 CDM an tuah, KNDF in kan ralkap 65 nih ram le miphun caah an nunnak an pek ve tiah an langh ter.

Relchap>>>>Sagaing Ah PDF Pakhat Le Phungki Pakhat Telh In Minung 4 Ralhrang Nih An Thah Hna!
=====
Sagaing ramtthen Sagaing peng Tabayin-Gway (ဒီပဲယင်းကွဲ) khua cu ralhrang nih January 6, nihin zing suimilam 6:00 tluk ah an luhhnawh hna i tualchungmi minung 4 an thah hna tiah theih a si.

“SAC le pyusawhti ralhrang fonh nih khua an luhhnawh i nu pakhat le pa pakhat an thah hna hnu ah ramkel leikong zong aa tello mi kum 40 renglo phungki pa khat le PDF minung pakhat (an dihlak minung 4) an thah hna. Inn tamtuk mei an khangh chap” tiah tualchungmi sin in theih a si.
#Source:Khit Thit Media

Be the first to comment

Leave a Reply

Your email address will not be published.


*