Lungfah Celh Ding Si Lo Ee: Kahdohnak Fakpi A Chuak Caah Mipi Ralkap PDF Minung 9 An Nunnak A Liam Ee

Lungfah Celh Ding Si Lo Ee: Kahdohnak Fakpi A Chuak Caah Mipi Ralkap PDF Minung 9 An Nunnak A Liam Ee

Tanintharyi Ramthen Win-din Khua Kahdohnak Ah PDF Minung 9 An Thi
=======
March 4 Taningthayi ramthen, Kha-mohkyi peng Win-din khua ah Kawl ralhrang le tualchung PDF kahdohnak chungah mizapi ralkap(PDF) minung 9 an thi hliam tuar mi zong an um tiah kan theih.

Ralhrang thazaang minung 50 leng nih hi khua cu hriam ngan he hriamfa he an kah caah kaphnih kah dohnak a chuah hi a si.

“Ralhrang nih khuachung luh an duh caah khua cu hriam ngan he fa he an kah caah kaphnih kar suimilam cheu chung kahdohnak fakngai a chuak, cu chungah PDF lei minung 9 ram le miphun caah nunnak an pek. An i kahnak khua hi Thailand he ramri te a si i tualchung PDF nih an humhak mi khua zong a si.”tiah PDF he aa neihniam mi khuami pakhat nih a chim.

Hi kahdohnak thawngpang cu ralhrang lei tang nih Telegram chung ah langhter ningah ‘PDF sin in M-16 pakhat, AK 47 pakhat, Kutser meithal pakhat, kuan 200, Bomb 40 le a dangdang zong kan chuh hna.’tiah an langhter.

 

Ralhrang nih 2021 kum uknak lak hnu thok in 2023 Febuary thla tiangah Taningthayi ramthen chungah kahdohnak voi 358 a chuak i mizapi ralzam minung 30,000 leng an si cang tiah Southern Monitor nih an langhter. (ref; DeltaNewsAgency)