Lung Lung Nih An Pastor Pa Le Patama Nu Kong A Phuan Cikcek!

Theihdingmi: A lenglei hmanthlak le a chunglei cabia hi a minung aa lomi an si lo. A lenglei hmanthlak cu fianternak (illustration) sawhsawh a si!

Bazar ah dawr fate pakhat ka ngei ve i , zingkhat cu suimilam 8:00 AM hrawng ah khrihfa bu ah pastor a tuan lio mi pa le kan khrihfa chung nungak pakhat cu zu dawr ah ka hmuh hna i ka lau ngai . Ziah hme pastor pa le ai zuar mi nu hna hi zu dawr ah ka hmuh hna ning a si ti cu kei mah ten kai ruat len .

A thaizing zong ah cun cu zu dawr thiam ah cun an pahnih in ka hmu hoi hna i a mak ka ti ngaingai . Ka motor cycle cu dawr pawng ah cun ka dir ter i a thli tein an bia cu ka va ngeih an um nak a hlat deuh caah an aw cu fiang tein ka thei kho lo i , cu vial ah cun an rak chuak i an hnu cun a thli tein ka dawi than hna i Biakinn lei ah an kal .

Biakinn chung ah cun an lut i a thli tein ka bih hna i an kut an i tlai i thla an i camh lio cu ka hmuh hna . Tlawmpal ah biakinn chung cun an hung chuak than i pastor nupi zong cu a rak ra ve i an pathum cun an i kut i nungak nu nih cun aw Bawipa kei mi sual ka hlaw lo tu ka cung ah hin na va tha hringhran dah tiah a tap len i an pathum cun lomhnak mithli a luang .

Hi nungak hi a hlan ah cun nungak sawhsawh te a rak si ve ko nain vawlei nuamhnak a van theih ve hnu cun zu le thildang rih khawh mi sii pawl nih a suai i cu ti cun a nun cu buai hram ai thok i zan ah ai zuar .Cu ruang ah cun a chungkhar nih cun an thawl i cu cu pastor te nupa nih hin an sikhawh chung in an buaipi i an mah pahnih thawng cun tu ah cun minung ah ai chuah than i hrinthan nak a ngei i Pathia a tih mi nungak tha ah ai chuah than.Bawipa nih sunpar nak co ko seh . Amen.

Biachap : Hi kong hi News a si lo nain a tak in thil a cang mi a si caah thazang lak nak caah kan tial mi a si .Pastor rian hi zarhkhat ah Biakinn chung i voi hnih khat baan va thir i khrihfabu thawh lawm le lahkhah ei men khi a si lo.Kan khrihfa bu chung ah a ho hmanh a nun a bei dong i a van a sang i a thlarau nun a ti hal ti mi zoh thiam le cu bantuk minung an thlarau an thinlung taksa va dam ter kha Pastor rian taktak cu a si i , Pathian duh mi zong a si . Chinland Today News + Cthinkers

 198 total views,  1 views today

This function has been disabled for Chin 11 News.