Lung Hi A Faktuk Ee: October Thla Canceo Hnu In Hakha Le Thantlang CDF Le CNA Minung 6 An Nunnak A Liam

October thlachung kahdohnak ah Hakha pengchung le Thantlang pengchungah CNA le,CDF 6 miphun le ram caah an nunnak aliam

October 20 ah Run Aung Lin Tin a nunnak a liam

October 23 ah CNA ralkap sii lei Runham Dr. Naing Htoo Lwin zong Rialti pawng ah a ruak in an rak hmuh.

October 18 ah CDF-Hakha in Salai Za Ceu Lian zong a nunnak a liam.

October 25 ah CNA ralkap Hming Than Sang a nunnak a liam.

October 23 ah Thantlang CDF in Salai Khamh Thawng Lian le Salai Hrang Thio Lian an nunnak a liam.

The Federal Times

Relchap; Tlangzar ah CNA Ralkap Pakhat a Nunnak a Liam, a Ruak an Fim Cang
——-
October 25 zinglei ah Falam-Hakha karlak Tlangzar khua ah CNA ralkap pakhat a nunnak a liam, tiah khuami hna sin in thawngpang kan theih.

A nunnak a liammi CNA ralkap ruak a fimtu pastor pakhat nih, “Tlangzar khua i Khuati lei zung (မိုးလေ၀သရုံး) hmai ah a ruak an hmuh. Tlaih a tong i an thahmi cu si dawh a si lo. A baan ah hliam fak ngai a pu. A thisen tam tuk a chuah caah a nunnak a liam hi a si lai tiin kan ruah,” tiah The Chin Journal ah a chim.
A nunnak a liammi CNA ralkap hi Hming Than Sang (Hminga) tiah auhmi tlangval no a si.

“Tlangval no a si i Hminga tiah mindin in an auhmi a si. Kan khua ah ruakuang ser cia in kan chiahmi a um i, a ruak cu khua thlanhmun ah ttha tein kan vui,” tiah a cunglei pastor nih a chim chap.

October 13 in aa thawkmi Falam-Hakha karlak kahdohnak ah CNA in minung 3 le CDF-Hakha in minung pakhat an nunnak a liam.

October 20 ah Corporal Aung Lin Tin a nunnak a liam i, October 23 ah CNA ralkap sii lei Sergeant Dr. Naing Htoo Lwin zong Rialti pawng ah a ruak in an rak hmuh.

CDF-Hakha in Salai Za Ceu Lian zong October 18 kahdohnak ah a nunnak a liam, tiah CDF-Hakha nih October 24 ah thawngpang an rak chuah. The Chin Journal

 

Be the first to comment

Leave a Reply

Your email address will not be published.


*