Lung A Faktuk Ee: Mindat Ralzam Pawl Dawr Nak Inn Ralhrang Nih Jet Fighter In Bomb An Thlak Hnawh Hna

Mindat Peng Ah Ralhrial In An I Dornak Pungki Sianginn SAC Jet Fighter Nih Bomb A Thlak
=======
Chin ramkulh, Mindat peng ralhrial in an i dornak Paleikhtwe(ပ လိပ် ထွီ ) khua phungki sianginn cu SAC Jet Fighter nih a voihnihnak bomb in an thlak, tiah Mindat peng ukhruainak phu sinin theih a si.

January 23 zing sml 11:00 hrawngah kahdohnak zeihmanh um loin SAC vanlawng nih bomb a thlak caah phungki sianginn le khuami inn 2 a rawk. Cu hnu sml 12:00 hrawng zong ah Mindat khua ah hram a bunhmi SAC ralkap nih hriamngan in an kah chap, tiah theih a si.

SAC ralkap nih biaknak he aa pehtlaimi inn le ralhrial in a zammi hna bawmchantu a kahmi hna hi minung lungthin pu lo nih thil an tuahmi bantuk a si, tiah Mindat peng ukhruainak phu nih an langhter.
January 22 lio zong ah SAC ralkap nih kahdohnak zeihmanh um loin Mindat peng Suntaung khua cu Jet Fighter in bomb lung 2 in an thlak pin hriamngan in an kah chap caah tualchung mi pahnih hliamhma an pu i, inn zong a rawk, tiah theih a si.

Relchap>>>>Sniper In SAC Ralkap 57 A That Khotu PDF Ralkap Pa Cu Sniper Zun Khat Laksawng An Pek
=========
Bago ramṭhen, Taungngu pengkomh chungah SAC ralkap 57 a thattu PDF ralkap Phu Lung cu, NUG nih Baht( Thailand tangka) sing 5 man Sniper ruger 388 zun khat laksawng an pek, tiah theih a si.

Laksawng peknak cu nihin January 24 ah an tuah i NUG, Ministry of Home Affairs and Immigration Minister Lwin Ko Lat aiawh in Southern Military Region PDF Battalion 3502 Commander nih a pek, tiah ṭuanvo ngeitu pakhat nih a chim.

“Phu Lung(Spring) cu training a tuah dan hrimhrim a ṭha tuk. A tluktu an um lo. A hlan lio zong ah KNU nih Sniper zun khat laksawng ah an rak pek bal,” tiah Battalion 3502 Companny 1 in ṭuanvo ngeitu nih a chim.
Sniper Phu Lung nih 2022 Febuary thla in 2023 January thla tiang ah SAC ralkap Captain telh in ralkap 57 a thah cang hna, tiah theih a si.

 

Be the first to comment

Leave a Reply

Your email address will not be published.


*