Lung A Fak Tuk Ee: Lungpi Pastor Nupi Ralkap Nih Meithal In An Kah

Falam khuapi, Lungpi sang ah a um mi, AG Khrihfabu Pastor Nupi Pi Ngeih Tling (kum 60) cu nihin zing ah Ralkap kuanfang nih a khen ruang ah a nunnak a liam tiah theih a si. Nihin zaanlei August 10, 2021 zaanlei suimilam 1:00PM ah Meithal kuanfang in an kan thih tak hi asi.

Nizaan August 9, 2021 ah khan Lungpi Sang ah Meithal puah le kah thawng theih a si caah cu Sang ah aum mi cheukhat hna cu nihin zing ah a himnak hmun ah an i thial hna ti a si.

Hi kong he pehtlai in Falam khuami pakhat nih ” Ralkap pawl cu khuachung ah an rak lut hna i Meithal an puah cuahmah. Mipi lei he kahnak cu a um lo, an mah ralkap nih meithal an puah cuahmah mi tu a si” tiah a chim. Pi Ngeih Tling kum 60 cu Meithal kuanfang nih a khen bak in Sizung ah an kal pi colh ko , a si nain an chanh manh ti lo, a nunnak a liam ti asi.

A nunnak a liam mi Pi Ngeih Tling hi Falam khuapi, Lungpi sang, AG Khrihfabu Pastor nupi a si tiah kan theih ning a si. Atu bantuk in ralkap meithal in a nunnak a liam cu lung a fak tuk hringhran. Tantak mi chungkhar le cingla rualchan dihlak Pathian nih hnem hram hna seh.