Lung A Fak Hringhran Ko! Hi Bantuk Uknak Tang I Ka Fa A Than Ding Cu Ka Duh Hrimhrim Lo!

A caan lio a si caah chim ve rih ko ning! Hi bantuk uknak tang i ka fa a țhan ding hi cu ka duh hrimhrim lo. Keimah fa lawng hlah, aho fa hmanh hi bantuk uknak tang i an țhan ding cu ka duhpiak hrimhrim hna lo.

Zeicahtiah keimah hrimhrim ralkap umnak (sakhaan) pawng bak ah a chuak i a țhang mi, ralkap nih duh tik poh ah meithal in rak tlerhkhonh mi le rak firboh mi ka si caah, ramkhel kong ah hngalhnak tampi ka ngei lo nain, ralkap uknak a chiatkhaat ning cu ka thluak le ka mit lawng in si loin, ka thinlung le ka thihri le ka ruh le ka sa zong in ka rak tem ve ko caah a si!

Cucaah, atu bantuk caan ah ralkap uknak a si ah, uk NING a si ah, a uar pah phun le hi uknak chung in thil țha aa ruahchan ngai mi hi cu lungfim tein khua nan ruah deuh rih ah a țha men lai. Cun, kei ka hmaika ah cun nan chim lo ah a țha deuh✍. Kaan huat hna lai, ka thin hung lai, tinak si loin ka thitha nih a celh lo ti bia mu. “Kan bia tawi ko seh.” Chim ah cun a tampi nain…

A tang hmanthlak hi cu Salai Athang Khiteng i kaa laak mi a si. A țha le a rem bik in kanmah le khel cio in khuakhan le cawlcangh kan thiam nakhnga Pathian nih fimnak kan pe cio ko seh. Credit: Peter Hrang Lian Thang