Lockdown Ruangah Pha-te-mah Pawl Rawl Ei-Awk An I Hmuh Kho Ti Lo

Mexico ram ah a um mi hna phatemah (taw zuar hmang nu pawl) hna cu Covid-19 lockdown ruang ah pa nih an hlang ti hna lo i tangka an ngei kho ti lo. Cu ruang ah inn an ngei ti lo i lamcung ah kutdok dirhmun in an um ko hna. An taw an i zuar lio ah an um tawn nak Hotels vialte an phih piak dih hna, lengchuak loin lockdown a si cang caah pa nih an hlang kho ti hna lo i riah nak ding ah inn an i hmuh kho ti lo.

Mexico City ah hin taw zuar in pawcawm nak a kawl mi hna nu pawl hi minung 7,000 nak tamdeuh an um hna i cu vialte cu tanka hmuh nak an ngeih ti hna lo caah kutdok bantuk in lampawng ah khuasak in an um hna.

Hi an ton mi kong he pehtlai in Mexico City ah taw zuar in pawcawm nak rian a tuan ve mi sarahi Vega Delgado nih a chim mi cu “Mexico cozah nih rawltam in thi hna seh tiah an kan tuah bia a si ko. Lockdown an tuah dih caah kan taw an kan caw mi an um ti lo i an kan bawmchan duh mi zong an um ti lo.

Kan nih cu taw zuar in pawcawm nak a kawl mi kan si caah kan chungkhar zong zohkhanh kan herh ve. Asinain kan nih taw zuar pawl cu work kan i hmuh kho ti lo i rawl ei awk kan ngei ti lo caah rawltam in kan thi chom ko lai” tiah a chim hi a si.

Source: Democracy Now

 166 total views,  1 views today

This function has been disabled for Chin 11 News.