Lockdown Chung Ah Thildang Vialte Nak In Bible A Thar Mi Ka Duh Tiah A Chim

Philippine ram ah Covid-19 ruangah lockdown chung vialte ah mi tampi hna nih cun an ei le din kong ah lungrethei in an um hna i a honih dah ei-din ding bawmhnak an kan pek lai tiah an ruat cio hna.

Asinain Khrihfa tha a si mi Putar pakhat nih cun bawmhchan tu an um a si ah cun ei-din ding ti le rawl nakin Bible pakhat a thar mi nan ka pek khawh ah cun ka lawmtuk ko hnga tiah a ti hna hi a si.

Hi kong hi Philippine ram chung ah volunteer Task Force riantuan tu a si mi Dyn Nah nih a facebook ah a tial mi a si i “Khuate lei bawmhnak pek ding in ka kal nakah Putar pakhat nih ei-din ding nak in ka herh deuh mi bawmhnak na ka pek khawh ah cun kai lawmtuk ko hnga a ka ti. Zeidah na herh ka ti caah ka Bible hi a chia tuk cang i a si khawh ah cun Bible a thar mi ka herh tuk hringhran tiah a ka chim” tiin Dyn Nah ti mi nu nih cun a facebook ah a rak tial hi a si.

A hmaizarh sunday ni ah Dyn Nah le a riantuan hawi pawl cu putar pa sinah cun an kal than i Bible a thar mi pahnih, a paw a sen mi laksawng ah an pek hi a si. Dyn Nah le a riantuan hawi pawl nih cun Bible lawnghmanh si loin ei-din ding a herh mi ti le rawl zong an pek chih caah putar pa nih cun “Pathian hi nan lungthin dihlak in nan i bochan le a bia hi nan duh a si ah cun nan herh mi vialte cu an pek ko hna lai” tiah zong thazaang peknak bia a chimh hna.

Source: https://www.facebook.com/groups/khawvelhuapchanchinthar/?ref=nf_target&fref=nf

 183 total views,  1 views today

This function has been disabled for Chin 11 News.