Lionel Messi Dirhmun A Fiang Cang, FC Barcelona President Josep Maria Bartomeu Fiang Tein A Chim

Barcelona inĀ  Lionel Messi hi a chuak cang lai tiah thawngpang a rak um ngai mi kong ah Barcelona President Josep Maria Bartomeu nih fiang tein a chim i Messi cu bawlung a chuih chung paoh Barcelona ah a um peng ko lai tiah fiang tein a chim. Messi tukum season dih in cun Barcelona in ai thial cang lai tiah thawngpang hi Cadena SER nih kan hnuzarh chung ah khan an rak tial mi a si.

Cu thawngpang cu a hman lo mi a si tiah mi tampi nih an rak chim cio mi a si ko nain Messi hi FC Barcelona ah hnangam te le nuam tein a um lem ti lo caah biahman an rak chim ve mi zong a si ko. Messi nih cun FC Barcelona ah ka um peng rih ko lai ti hi a chim rih lo, cun minthut nak zong a thar in ka tuah than ko cang lai tiah zong a langhter mi a um rih lo.

Asinain FC Barcelona President Josep Maria Bartomeu nih thawngpang fiang a rak chim mi cu “Kan nih cu tulio hi zuamnak puai lawng biapi ah kan chiah lio a si. Cu ruang ah player thar lakthan ding le players thing pawl zuar nak ding ah zeihmanh khuakhan mi kan ngei lo.

Cun Lionel Messi hi Barca in a thok mi a si caah Barca ah a dongh tiang a um ko lai. Messi nih Barca caah teinak a hmuh ding mi zong tampi a um rih, Barca ah Messi hi kan hmuh zungzal ding mi a si ko” tiah a rak chim hi a si.

DVB

 134 total views,  1 views today

This function has been disabled for Chin 11 News.