Lg. Sui Hlei Tial (Kum 19) Nih Malaysia Ah An Kan Thih Tak Mi Ruang Ah Mipi Kan Ngaih A Chia Khun

Ngaih a chia tuk hringhran ko mu. Zawtfah ruang le thildang ruang ah si loin vanchia nak ruang ah hi bantuk in thihnak tiang a phak mi hi cu lungthin a fak khun ko. Miphun dang le ramdang ah chungkhar pawcawm nak le nun nuam deuh in kan um khawh nak hnga ding ah tiin harsat nak phun zakip lak ah khuasak le riantuan nak hmun Malaysia ah hi bantuk in ngaihchiat nak kan ton hi cu a poi ko.

Lg. Sui Hlei Tial (kum 19)  a thih nak kong he pehtlai in thawngthanh tu lei nih an langhter ning ah cun “Ngaihchiatnak Thawngpang. Malaysia, Sungai Buloh ah a ummi, Nungak Sui Hlei Tial (kum 19) cu inncung in a tla sual i zahan zan ah Sizung in mual akan liam tak. Nungak Sui Hlei Tial hi Thantlang peng Tlangte khua mi a si. Tantakmi chungkhar kan ngaihchiat pi hna” tiin ngaihchiat nak hrawmpi nak he thawng an thanh mi cu a si.

Chungkhar le khuami dawtu hna caah cun a faktuk hringhran ko, thennak vawlei a si caah ngaihchia lungkuai in a um mi vialte hna kan biakmi Pathian tunih hnem ko ne hna seh mu. Ngaihchiat nak kan in hrawm pi hna. Daihnak he I din ko kun ne mu.

 124 total views,  1 views today

This function has been disabled for Chin 11 News.