Lemcang Le Hlasak Thiam Mithang Daung Wai Nih Pha-Kanh Thihnak Kong Ah Lungrethei Ngai In Cakuat A Tial

Kawlram chung ah minthang ngai a si ve mi Daung Wai hi zukcawl le MRTV-4 ah cun kan hmuh lengmang cio mi a si theu lai. Zukcawl ah hin minta dirhmun ngaingai cun lemcang a tuan ballo nain film dawh tertu le nuamh tertu ah ai tel lengmang mi zong a si. Cun hlasak zong a thiam ngai mi a si caah mipi nih thazaang an pek khun nak le an uar khun nak zong hi a si.

Tulio hrawng hi Pha-Kanh ah hlasak nak puai ngei ding in timhtuah nak a ngeih lio zong a si caah July 2 ah Pha-Kanh ram thih loh nak tihnung ruang ah ngaihchia ngai le lung nuam lo ngai in a um. Thih nak a tong mi hna le lunghring kawlnak hmun ah ai tel ve mi hna a hawikom le a fans pawl tampi an um ve caah an konglam le an sining a theih kho ti hna lo.

Cu ruang ah hi ti hin cakuat a tial “Ka hawikawm dawt le thazaang a ka pe lengmang tu ka mipi hna, ka unau pawl nan thawngpang ka theih caah fak piin ka ngaih a chia. Nungdam in nan um lai tiah zong ruahchan nak ka ngei ko, hi hnu hmailei ah hi bantuk vanchiat nak hi nan ton ti nak hnga lo ding ah thlaza kan cam piak hna.

Mi zei hmanh phone kan chawnh khawh hna lo ruang ah ka lungretheih nak a fak khun. Nan umnak hmun ah hlasak ding in ka rat cawlh lai caah nan caah laksawng pek ding in angki lum pawl hna le thildang zong tampi ka chiah cang hna. Nung dam in kan i tong cawlh hna lai tiah ka ruahchan ko” tiah Daung Wai nih cun a tial hi a si.

Source: Daung Wai

 103 total views,  1 views today

This function has been disabled for Chin 11 News.