LEITAK THINGRAM VAWLEI AU AW

LEITAK THINGRAM VAWLEI AU AW

Leitak kanpipu, kannu kanpa le kan upa te chan in nihin tiang kan tuanbia ah Leitak nih Hmawngtlang ram kan pek hna tiah an rak kan chimh bal lo. An kan chimh pengmi tu cu Hmawngtlang cu Leitak kan ramchungah an um. Phaipha in a ra mi an si ti hi si. Leitak kan ramri cu Anhmongva in Sawhraw va kar a si e tiah an kan chimh ton.

Cucaah Leitak thingram kan sining nan kan ruahpiak ve ding kan duh.

17 April 1913 mirang nih Leitak ramri cu North ….An Hmawng va. South. E …. Vanlai hill to Sawhraw va running into the Thanghawr va. West …. kawng lien va from Bungtlang hill into the Thanghawr va. East … Bawi pa tlang hill. West … Hlamphei va tiah tha tein an kan tial piak.

Kum 600 leng an kan humhak cangmi Leitak ram pakhat chungah zeizongte kum 76 chung aa hrawmmi nan si cang caah then in kal tak awk cu nan tha ti lo nain kan Leitak thingram nih kan tuarinnak tal hi cu kan zohpiak thiam ve cang uhlaw ti hi theihter kan duh hna, a ka ngeihtu Leitak theih loin farkung vialte nan kan hau dih i a donghnak ah anmah Leitak Lila 2007 kum ah thongtlak nan timh hna hihi Leitak thingram nih kan duh kho hrimhrim lo.

Khua pakhat nih a ngeihmi ram chung ahhin pumpak ngeihmi ram a um ton bangin Tluhlawng ram ti kan si i cu phung cu Chinmi dihlak nih ngeihmi phung asi. Tluhlawng phun hi an hmai kawl than hna sehlaw nihin ni tiang nun pawcawmnak tha nan kan tuahter hawi thluk fim ah na chiah ve hi kan ilawm ee ti hna seh ti hi Leitak thingram nih kan duhnak kan langhter.

Kum 1946 in cozah sinah vawlei kong le thingram kong ah tazacuainak buaipi hram nan thawkpi colh hna. Pu Za Khar nih a lamkip le a phunphun in lih le hrokhrol in Myone zung le Khazan zungah ca a phunphun in a tuahter hna, Ohsuh hmuh ding kong zongah Leitak upa theihter le hngalhter um bak loin a thli tein a tuah hawi i, Leitak minung nih an vun theih tik ahcun buainak cha in cun tiah lung nuam tein an um ko, Sub-township hmuh ding ca zong ah lih le hrokhrol in ramri kan ngeih nan ti rih hawi Leitak ram then cheu nan timh rih cozah nih an theih tikah cozah thong tein kan him than. Ram a ngeihtu an theih loin Tidim bawi pawl he he tiah a thlithup tein thil tha lo phunphun nan tuah mi vialte hi kan ngaithiam uh law nan ti hna ding hi Leitak thingram nih kan duh.

A zei bantuk si ai kun, A kan ngeihtu Leitak nih an duh pengmi le an dirhmun cu Hmawngtlang he daw le rem tein um, vawlei siseh tiva siseh fingtlang le ram vialte hi a hlan bantuk tein hmantti hi Leitak lungput le an duhnak bik cu a si zungzal.

Nain, Hmawngtlang unau nih nan i thim deuhmi hi cu kan cohlang kho bak ve lo, nan kan hrawhhralhnak nan kan pamhhai mi le Leitak theih loin le an vawlei cia ah nan duh poah in nan um hnawh hna nan kan nan cuh hramhram hna kanmah zong zung kenkip lo ah kan kong nan kan tial hi a tlam ti lo, that lonak laam lei tu kha nan karhlan ning asi zungzal caah Leitak thingram nih kan tuar tuk cang.

Leitak thingram nih kan pom khawh lo tuk mi le kan i fahsak tuk rih mi cu a hman lo, a dik lo tuk mi cozah i bochan tuk, cozah lak hmanh ah kan sining tak a thei lo mi, a hngal lo mi chitkhat caankhat ca longin Laitlangah a um mi hna kha hehchet tiah nan bochan tuk hna nan karlak ah zei maw pekchanhnak le laknak nan tuah mi hna hi Leitak vawlei thingram nih kan cohlang kho hrimhrim lo atu tiang zong nan buaihnawh hna nan renh rihmi hna hi cu a ttha lotuk, a nuamlo tuk fon.

Cucaah nem te le hman tein chimh le theihter kan in duhmi hna cu a ngeitu an ram an vawlei chung te ahhin aho hnahnawh pek le buaipi kan duh ti hna lo, a ngeitu he ram, vawlei , tiva le fingtlang vialte hi anmah siarem tein zohkhenh le tawlrel kan duh tuk ve cang. A herh lomi vawlei kong thingram kong ceih le chimding um loin le an caan an thazang le an ngeihchia chawva hman um ti loin tha dam lungdai tein chiah kan duh ve cang hna.

Cu caah, zangfahnak nawl kan nin dih ko hna nan khua le ram a simi Phaipha ah lung nuam tein kir tthan ko cang uh, nan khua a si nan ram a si caah zeihmanh nan buai ding um ti lai lo i nan i nuam ve cang lai, ramri ngeih nan duhtuk mi zong nan ngeih ko, nanmah ta teah nan duhning bantuk in nan duh tawkin va cawlcangh ve ko cang uh tiah kan in nawl hna. Kan lungre nan kan theihter tuk kan thling nan kan zahter tuk i kan thla zong a lum ti lo nan kan temtuar ter tuk cang, nan kan hrawhhralh tuk cang a hmanmi a ttha mi a um ko nain nan i thim duh lo caah nan i thim mi laam ah kan nih cu buai le lung retheih kan duh ti lo.

Kawl Bawi 100% bak in nan bochan hna i anmah nan bochan hna bantuk in kanmah nih thathnemnak kan in pek kho hna lai lo kawl bawi pawl duh nak thencheu ding hi cu a ruat lo in kan ruat kho lo a kan ngeihtu Leitak ram,vawlei,tiva le fingtlang vialte cu nanmah Hmawngtlang sin um ding cu kan duh hrimhrim lo caah kan sining hi kan rak langhter hi cu a hau ko. Phaipha nan kir ding cu 100% in kan nin duh pi hna kan in dirkamh hna ti hi Leitak VAWLEI, THINGRAM nih kan nin theihter hna. A hmanbik le ttha bik kan in hmuhpiak khawh mi hna cu a kan ngeihtu Leitak duhning nan hrawmpi khawh hna lo ahcun NAN KIRTTHAN CU A HAU KO LAI tihi Leitak VAWLEI, THINGRAM nih kan nin theihter hna.

Leitak thingram le vawlei au aw

Credit: Sang Lian Cin Lianching

 261 total views,  1 views today

This function has been disabled for Chin 11 News.