Lebanon Ram Prime Minister Hassan Diab Nih A Rian A Chuak Tak Cang, MP Tampi Zong An Chuak Ve Hna

Beirut tilawng dinhnak hmunah faktuk ngamsam in puahkeh nak a chuak mi ruang ah khan mipi pawl an thinhun tuk caah duhlonak le lungtlin lonak langhter in Lebanon ram chung hmundang hna le Beirut khuapi chung ah sandah piah nak, buaibai nak faktuk in a chuak than mi ruang ah Lebanon ramchung acozah riantuan tu hna MP pawl tamngai nih an rian an chuahtak cang hna tia  si.

Cun nizan ah khan Lebanon Prime Minister Hassan Diab zong nih PM ka sinak in ka din cang lai, ka rian hi ka chuahtak cang tiah thawngthanh nak a tuah ve mi ruang ah Lebanon ram mipi hna cu awlawk chong in an um ko hna.

Prime Minister Hassan Diab nih a chim mi cu “hi puahkeh nak kan ton mi hi eihmuarnak (corruption) a tamtuk ruang i kan ram nih a ton mi a phi chuak a si, eihmuar le ziknawh nak ruang ah kan miphun nih thihnak faktuk kan tong, kan ramchung ah buainak faktuk in a chuahter caah hi puahkeh nak a chuahter tu hna hi kan tlaih hna in an thiltuah mi he aa tlak ning in dantat nak kan pek hna awk zong a si” tiah a chim.

Prime Minister Hassan Diab nih a chim rih mi cu ka rian in ka dinh cang lai caah  rauhhlan ah lakhruak in thimnak (Election) zong kan tuah cawlh hna lai tiah zong a chim chap hi a si. Hi puahkeh nak kong he pehtlai in Lebanon ramhlum cozah hna le Iran nih a dirkamh ngai mi ralhrang Hezbollah pawl zong hmuhton nak le biaruah nak an ngei hna.

Beirut tilawng dinhnak hmun ah bomb an puah hnuin Beirut City chung ah sandah a piah mi hna nih ram an buaiter tuk hnuin Lebanon MP pawl an rian in an chuak pah dih cang hna i a tu ah cun Prime Minister Hassan Diab zong a rian in a chuak ve cang.

Source: Akon Thi (Burmese-Hakha); thefinancetoday.net (English)

 166 total views,  1 views today

This function has been disabled for Chin 11 News.