Lebanon Ram A Buai Tuk Cang, Vuanci Vialte Thah Dih An Timh Cang Hna

Nai teah Lebanon ram Beirut tilawng dinh nak hmun i puahkeh nak faktuk a chuak mi kong ah khan lungtlin lonak le sandah piah tu pawl an tamtuk hna i mipi pawl nih Lebanon ram chung ah vuanci pawl an umnak inn ah an luh hnawh hna, cozah bank pawl zong an luh hnawh hna i an riantuan nak vialte zong an khangh piak dih hna tiah thawngzamh ah an langhter ning a si.

Sandah a pia tu pawl hna nih an au pi bik mi le an duhbik mi cu Lebanon ramchung i Beirut City tuanbia ah a fakbik mi puahkeh nak a chuak mi kong ah pumpak daitlan ruang le ralrin lo ruang i a chuak mi thil kong ah cun acozah lei nih fak piin dantat nak kan tuah piak uh, puahkeh nak ruang ah tuanvo a ngei mi hna kan tlaih piak hna uh tiah an duhnak an langhter mi a si.

Cun ramchung thancho nak le khuasak nak kong ah chawlehnak le ramkhel rian vialte hna zong Coronavirus ruang i phihkhar dih a si lio ah le mipi nih ei-din ding kong ah lungrethei ngai in kan um lio caan chung ah minung 158 thihnak a chuah ter tu hna le minung 6000 lengkai hliamhma a petu hna an cungah dantat nak nan ngeih lo ah cun kan ramchung hi a buai chin lai tiah fak ngai in an au pi mi a si.

Sandah a piah mi hna an khamnak ruang le buainak ruang ah police zong a thi mi an um len cang hna i hliamhma a tuar mi zong an tam ngai cang hna. A bikin Beirut khuapi chung ah sandah a piah tu pawl nih vuanci zung hna le musuem pawl hi an hrawh dih hna, vuanci pawl nih tuanvo nan lak khawh lo ah cun nan rian in chuak ko uh tiah an au hnawh hna hi a si.

Beirut khuapi chung i vuanci pakhat cu sandah piah tu pawl nih thah ding in an kal hnawh i tlakrawh le bottle in an cheh i vanthat nak ruang ah police nih an rak chanh manh nain fak ngai in an rak hliam manh cang. Beirut khuapi chung cu buainak faktuk nih a khuh cang caah lungrethei in an um ko hna.

Source: Akon Thi (Burmese-Hakha)

 185 total views,  1 views today

This function has been disabled for Chin 11 News.