Lebanon PM Le Cozah Riantuan Pawl Cu An Rian In An I Bang

Lebanon Khuapi Beirut i building lian pi cu August 4,2020 ah a puak i minung 163 an thi,  mi 6,000 nak tam nih hliamhma an tuar. Minung thawngtam pi nih an inn le lo an sungh.

Lebanon ram chung buai lio ah an sipuaizi a tlumchuk lio ah thil a tlung mi a si ruangah mipi cu cozah cungah an lung a tling lo.

2013 kum ah khan an rak chiah mi cu a puak kh0 mi thil Ammonium nitrate ( Chemical compound) ruang i building puak mi a si, a pawngkam i a um mi nih cun cozah sin ah hmalak colh ding in an theihter cang nain cozah nih zei ah a rel lo ruangah mipi nih har nak an tuar.

 

 

Building a puak hnu in mipi nih cun lamzawhnak an nei i cozah inn cu an hrawk hna. Cu tikah, Prime Minister Hassan Diah nih August 10 zan ah a rian tuan in a chuak nak kong a chim, an ram hrauitu hmasa pawl a soisel i building a puaknak a ruang cu cipciar in kan thei khaawhnak hnga kan kan dotthlat lai tiah a chim.

 

 

Cozah riantuan khawhnak zong an PM hnu zul in a bangnak ca a tial colh, lawyer le pawngkam boruak kilvengtu upa pawl zong an rian in an i bang colh ve.

 

Mipi nih an ram hruaitu an zatein thleng an duh nak bia cu nihini tiang in an au pi, Lebanon president Michel Aoun zong a rian kongah a dirhmun a tha lo ti a si.

 123 total views,  1 views today

This function has been disabled for Chin 11 News.