Lebanon Khuapi Buainak Ah Minung 142 Hliamhma An Tuar Than I Police Officer Pakhat A thi Than

Lebanon khuapi, Beirut i lawng dinhnak hmunah thil a puak caah chiatnak le harsatnak tampi a chuak i, cozah lakah lungtlin lonak an langhter mi cu an pehzulh ko rih tiah theih a si.

Zarhteni ah khan cozah cung i duhlonak langhter tu pawl le palik pawl cu an buai i, cu an buainak ahcun minung 142 nih hliamhma an tuar i, palik officer pakhat a thi tiah theih a si.

Lawng dinhnak hmun i thil puak mi, warehouse ah a puak kho mi ttihnung mi thil cu kum tampi chiah a si nak kongah, mipi nih cun cozah cu mipi himnak zeiah an rel lo tiah an chim.

Hi duhlonak a langhter tu nih hin parliment cu luhhnawh an timh i, hi hi security force nih an kham hna i tear gas an hman.

Duhlonak a langhter te pawl nih nih hi security force pawl hi lung in an cheh hna i, dangnak i, an kham mi cu hrawh an timh i, Forreign Ministry le Economy Ministry office pawl cu an luh hnawh hna tiah theih a si. Hi thil buainak hi caan sau pah cu an buai ko lai tiah an chim chih.

 154 total views,  1 views today

This function has been disabled for Chin 11 News.