Lawmhpi Tlak Taktak, Covid-19 Pulrai Tihnung Chung Ah Kan Lai Mi Chung In Minung 222 Nih Tlamtling Tein Boih An Kan Lak Piak Khawh

2020🎓GRADUATES LAWMHPI

👏 Covid 19 zawtnak nih zei tluk in vawleicung pumpi a buaiter cuahmah ko lio ah….
✍️ May 23, 2020 ah Perry Township School District- high school pahnih [Southport le Perry High School) in kan fale (Chin/Laimi) 222 nih high school diploma an kan lakpiak lai. **Southport in 97, Perry in 125.

🙋🏻‍♂️ Amah belte Covid 19 zawtnak ruang ah cuhlan bantuk in Commencement (Graduation Ceremony) tuahpiak a um lai lo. Virtual Commencement (Video clip sermi) tu tuahpiak i online in zohter cio a si lai. Cun, sianginn tual ah rocazual (certificate) laknak ding donhlei (stage) an sak i cu hmai ah cun nulepa nih mawṭaw in kalpi i rocazual (certificate) hi donhhlei cung ah va lak i mawṭaw chung ah luh ṭhan i kal colh ding a si lai.

✍️ High school a dihmi kan fanaule hna lakah hin top ten percent le top 40 stars cazin ah ai telmi an um hna. Perry high school in a dihmi top ten percent ah Chin/Laimi 16 an i tel. Top 40 lak zong ah minung 9 an i tel. Cun, Southport high school i top star (40) lakah Chin/Laimi 7 an tel fawn.

🗣 Top ten percent le top star (40) i ai telmi pawl an hmanthlak kan tar chih. Tu kum 2020 COVID 19 buaibainak karlak ah tlamtling tein high school a dih khomi dihlak The Chin Voice nih kan i lawmhpi hna. Pathian nih ram le miphun caah santlai kho ding in nan fimcawmnak lam tluanter ko seh.

🧏‍♂️ Miphun hme/tlawmte kan si nain vawleicung ram ṭhawngbik US ram school district pakhat in kum khat 200 renglo high school a dih/graduate mi kan ngeih khawh hna hi lunglawmh lo awk a ṭha lo. China, Japan, India le Korea ram tbt. hna nih cun phaisa thong tamtuk dih in US ram ah an fale sianginn an kaiter hna. US sianginn in Chin/Laimi high school le college a dihmi hi kum khat ah 500 hrawng lengmang an kan ngeih tawn hna. Atu hnu kum 20 ahcun college a dihmi tampi kan ngeih khawh tehna lai. Cu hna nih cun ram le miphun dawtnak taktak an ngeih te ahcun kan miphun sining hi tampi ai thleng kho telai tiah zumh a um.

Photo credit #SHS & #PMHS

Laknak: The Chin Voice’s Page

 125 total views,  1 views today

This function has been disabled for Chin 11 News.