Lawmhpi Cio Hna Usih, Daw Aung San Suh Kyi Telh Chih In Minthang Tampi Hna Min Zong Ai Tal Ve

Tukum chung Kawlram taang-10 caminpuai a rak phi hna pawl nizan ah resulh a hun chuak mi ah Kawlram chung minthang tampi hna min he ai khat bak mi tamngai an rak um hna. An min pawl dannak pakhat hmanh umlo bakin an i lawh dih mi hna hi khatlei in ruah ah cun nihchuak ngai zong a si ve hoi.

Kawlram chungah upat ngai mi le tihzah ngai mi NLD pawl an pi Daw Aung San Suh Kyi min zong tukum chung taang-10 a awng mi hna lakah ai tel ve caah mipi an khuaruah a har ngai. Cun mintami minthang ngai a si i mipi nih an uar ngai mi Khai Tin Kyi min zong ai tel ve hoi, amak ngai ve mi cu an min hi spelling le word pakhat te zong thleidannak a um bak lo i an i lawh dih hirhial mi hi a si.

Zohhmanh Minta Nay Toe min le hlasak thiam Zaw Pain min zong a um rih ko hi. Zaw Pain hna cu 2D bak a si chap rih hi lawmhpi ngai ding mi a si. Kawlram chung rapper hlasak thiam taktak mi San San Khain Hlaing min zong a um than rih ko hi.

Cun hlasak thiam le minthang bak a si mi Chaw Suh Khin min zong ai tel than rih hoi ko hi teh. Khuaruah har ngai cu a si ko, hi tluk in maw an fale pawl minsak ding an rak hngalh bak ti hna hnga lo.

Midang cu um rih ko hna seh Kawlram chung acozah pi hmanh nih ruahnak cheutu ah an chiah mi Daw Aung San Suh Kyi min hna an i sak hi cu khuaruah har an si ve ko.

 186 total views,  1 views today

This function has been disabled for Chin 11 News.