Lawmhpi Cio Hna Usih! CDF -KKG Ralbawi Salai ” Za Bawi Thawng” Le CNA Ralkap Nusaltha Milley Sui Thitumhnak An Tuah Cang Lai
Kan Laimi hlasakthiam, kan nusal tha pakhat a simi Milley Sui cu chungkhar a dirh ve ruangmang cang. Chungkhar an dirhnak hi sau pah cang nain, kan ram boruak he pehtlai in an i ralrin caah, an hmanthlak te pawl hna an rak tar lo. Asinain, a tu ah an vun tarlanghnak hi a si.
Pre-Wedding hman an i thlakmi taar in hitihin mipi sinah a tarlangh chihmi cu “Kan ram boruak ruangah le ramchung ah puai tuah a si caah ralrin ah tiah tu lawng kan post kho ko hih” tiah a chim.
Lawmhpi cio hna usih. A dawtmi a pasal zong hi miphun le ram caah biatak tein rian a ṭuan cuahmah liomi a si. A pasal Za Bawi Thawng nih cawnnak lei zongah Laimi nih pafim kan i ngeihmi pakhat a si fawn. Dohthlennak ah CDF-KKG hruaitu lutlai pakhat a si ve.
Kan nusal pasalṭha nih atu bantukin chungkhar thar an dirhmi cungah lawmhpi cio hna usih. Bawipa nih a nuammi chungkhar ṭha ah ser in a thluahchuah bongmal za he lam in hruai umpi ko hna seh.
Hmanthla hi Milley Sui feibuk chung i a lakmi taar chinmi a si.
Thawngpang dang: Ministry Of Transport And Communications Zung Chung Bomb Puahnak Ah Minung 4 Hliamhma An Pu.
Mandalay ramṭhen, Mandalay khua ah March ni 20 ziing suimilam 11:05AM hrawng ah ramṭhen, Ministry Of Transport And Communications zung chung ah kutcheh bomb in doh an ton caah Deputy Chief telh in zung rianṭuantu 4 hliamhma a pu, tiah theih a si.
“Zung chung ah kutcheh bomb in an cheh ruang ah Deputy Chief cu a ke ah hliamhma a pu. Hliamhma pumi hna hi an nunnak ca ah thinphan awk a um lo,” tiah zung he aa naihniam mi pakhat nih a chim.
Bomb a puahnak hmun hi Mandalay, Chanayetharsan peng Aung Nan Yeikthar sang 83 lam, 34 lam le 35 lam kar ah a ummi Ministry Of Transport And Communications zung chung ah a puah hi a si, tiah theih a si.
Zung chung ah pa pakhat a lut i kut in sermi bomb in a puahhnawh hna caah Deputy Chief pa cu a ke ah hliamhma a pu i, lutlai cazi Zaw Myint zong a ke le a hnakhaw ah hliamhma a pu ve. A dang zung rianṭuantu pahnih cu a hnakhaw, an phei le an lu ah hliamhma an pu, tiah zung he naihniam in a ummi hna sin in theih a si.
Mandalay ah a luancia March ni 14 lio zong ah Amarapura peng Taungtamanin(တောင်သမန်အင်း) pawng ummi SAC ralkap hlathlainak zung luhnak kutka zong kutcheh bomb in AST-MDY nih an rak puah bal cang. Source: The Chin Post
Admin hmurka: Zung Bawi Lian thawngzamhnak nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a um kho mi a si caah thawngpang kan ṭialmi kan palhnak a um cun theihter khawh peng kan si.
Mipi caah thawngpang dik lo zamh le ṭial hi kan duh hrimhrim lo. Thawngpang kan ṭialmi chungin le kan thlahmi chungin a dik lomi le kan i palh sualmi hna um cun mithmai i zoh loin chimhcawnpiak khawh kan si. A caan ahcun, minung kan si ve bantukin thawngpang kan laknak, kan chirhchannak hna nih a dik lomi an ṭialmi kan lehpalh sualmi zong a um kho, tlamtling lonak le chambaunak tampi kan ngei kho. Cu tikah careltu nih a rel zia le a ruahzia nan rak thiamnak lai kan nawl duh fawn hna. Thawngpang ṭial kan si bantukin kan i palhmi cungah lungtling tein kan in tuar ngam, kan palhnak kan cohlan khawh.
Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih pehtlaih khawh peng kan si. Cun, Na relmi thawngpang hna midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin
Cathlahtu Admit leiin Careltu mipi sinah nawlnak- Mipi nih comment kan pekmi hi a mikip nih hmuh khawhmi a si. Cucaah kan duh lo tukmi le kan zumh lo tukmi thawngpang a va si sual hmanh ah comment chiahru, volhpamhnak tbk, le holh dawh lo (Tc- Media vialte thi dih u law ṭha tibantukin comment) hi kan hrial piak hram u tiah kan in nawl duh hna.
Aherh ahcun, pumpak tein message i kuat i chim chawnhpiak hi a ṭha deuh hnga lo maw? Cun, kanmah le kanmah zong kan limhang kan i zor ter bantuk a si. Cucaah zaangfahnak tein careltu nih comment peknak ah holh ṭha lo, holh dawh lo, volhpamhnak bia kan hrial piak hram u tiah kan in nawl duh hna. Palhnak i chimh cawnpiak cu zeibantuk minung cio paoh nih kan herhmi a si.
Palhnak chimh huat cu hruh a si tiah an ti lengmang tawn. Cucaah, kannih cu kan palhnak le kan diklo i remh dingi le i chim cawnpiak dingin ready kan si. Cucaah, holhdawh loin, comment le online chungah mizapi hmuh in i valhpamhnak bia tbk, hna kan chim sual lonak hnga kan in nawl duh hna.
Leave a Reply