Lawmh A Um Taktak: Ralhrang Rual Minung Tam Taktak Shan Ram Hriamtlai Nih An Rak Thah Ve Hna

Naungtaw hmunhma um SAC ralhrang sakhan pahmih hna cu mipi ralkap nih an luhhnawh hna i an kah hna caah SAC uico pawl 20 nak tam an fimtawl hna tiah theih a si.

Shan ramkulh Sisaing peng Naungtaw hmunhma ah a um SAC ralhrnag sakhan pahnih cu mipi ralkap phu nih an luhhnawh hna i an kah hna caah ralhrang 20 tam an thi tiah Pao PDF nih nihin September 14 ah cathanh an chuaj.

Mahka sakhan pahnih cu mipi ralkap fonh tatyin 4 le PNDF hna nih hmakhat te ah an luhhnawh hna i an kah hna tiah theih a si. Kahnak ah Bomyi pakhat cu sniper in thilak an kah that. Cun mipi ralkap lei sniper nih minung 6 bak an kah thah hna.

Nihin kahnak ah cun SAC ralhrnqg nih raltuk vanlawng Jet Fighter in voi 6 bak pehzulh in bomb a thlak hna leng ah SAC ralhrang si lo in ralhrang nih ralbawm ah a thlah mi hna PNA ruang ah sakhan lak kho ding a si ko nain kuan le zen nih a daih hna lo caah hnu kan i thawn than tiah cathanh ah an langhtechap.

PNO/PNA nih hmailei ahcun tlangcung miphun pawl vialte i kan ral a simi SAC rlahrang cu a phunphun in i fontom nak ah mipi ralkap lei in nan rak tang ve te lai tiah ruahchannak kan ngei tiah cathanh ah an chuah.

Nihin SAC ralhrang sakhan pahnih kahnak ah aa tel mi hna cu No.1005 tayin, 1008,SSRay,1009,IPDF, NUG kuttang tatyin pakhat le,Pao-PNDF tatyin 5 United Southern Shan Federal Union – USSFU) hna an si.Ref- – Pa-O National Defense Force

Relchap>>>>><>Loikaw le Demoso Kahdohnak Ah SAC Ralbawi Telh In Minung 4 Nak Tlawmlo An Thi!
===========================================
Loikaw le Demoso kahdohnak ah SAC ralkap lei ralbawi pakhat telh in ralkap 4 nak tlawnlo an thi tiah, KNDF nih nihin September 13 ah cathanh an chuah.

Kahdohnak cu nizaan September 12, zinglei suimilam 8:45 hrawng ah an thawk i, Loikaw peng Kayantaya(ကယန်းသာယာ) khua pawng um SAC ralkap hna cu KNDF battalion 2 le battalion 14 phufonh nih an kahdoh hna tiah, theih a si. Cu kahdohnak ah cun SAC ralkap lei hliamhma tuar an tam tiah, an thanhmi ah cun an langhter.“Cun Demoso peng, Taesulay(သေးဆူးလဲ) khua ah checkhlatnak a tuahtu SAC ralkap hna le tualchung hriamtlai phu kar kahdohnak a chuak ṭhan tiah,” KNDF battalion 5 nih an thanh.

SAC ralkap hna cu RPG in kahdoh an ton caah, SAC ralkap 4 hrawng an thi tiah fehternak he KNDF battalion 5 nih an thanh. kahdohnak chung ah KRU nih hriamngan hmang in an kah bawmh hna tiah theih a si.”SAC ralkap hna nih a bik in tuah an I timhmi hmunhma hiapkhawhnak cu kan kham khawh. Tulio hrawng i kahdohnak ah hriamngan kahnak lei zong in kan si khawh chung in kan bawmh hna tiah,” KRU in ṭuanvo ngeitu nih a chim.

Kap hnih kar i kahdohnak ah SAC ralkap lei zong nih hriamngan a tlawmbik voi hnih hrawng kah bawmhnak an tuah, tualchung hriamtlai phufonh lei nih cun chunhnu suimilam 2:00 hrawngah hliamhma tuar umlo tein hnu kan tolh kho ṭhan tiah, an cathanh chuahmi ah cun an langhter.
Credit : People’s Spring

Relchap>>>>Muse Mawtaw Lampi Kahdohnak Ah SAC Ralkap Kuttang Pyithusit 3 An Thi!

Shan ramkulh chaklei Muse khua KBZ bank 3 hmai ah nihin september ni 13 chun suimilam 1:30 hrawng ah kahdohnak a chuak tiah, tualchungmi hna sin in theih a si. Cu kahdohnak ah cun KBZ bank hngaktu (security) Pyithusit 3 an thi tiah, theih a si.

“Bank hmai ah Pyithusit minung 3 an thi tualchungmi pakhat zong hliamfak ngai atuar, Zeibantuk Pyithusit an si cu kan thei hna lo, Muse ah hin Pyithusit tampi an um buainak zong an chuahpi lengmang tiah,” tualchungmi pakhat nih a chim.

Muse khua ah hin hriamtlaiphu Pyithusit tamngai an um, SAC dirhmi cu an si lo nain SAC he rianṭuan ṭi mi an si, Muse khua cu Shan chaklei ramri ah ummi si i, hriamtlaiphu tamngai umnak a si, SAC kuttang palik pawl zong a tu le tu kahthah an tong tiah, tualchungmi hna nih cun an chim chap.

Be the first to comment

Leave a Reply

Your email address will not be published.


*