Chinland Defense Force – Lautu (CDF-Lautu) nih, “Chin mipi a hremtu le thattu ralkap cozah rianṭuan sianginn saya/ma, uknak lei bawi pawl le ralkap cozah rianṭuan vialte atu nan ngol lo ahcun a herh ning paoh in fak taktak in hma kan in lak hna lai,” tiah ralrin peknak thawng a thanh.
“Cucaah, hmun dangin CDF-Lautu hmunhma chungah ralkap cozah caah rian a hung ṭuanmi vuanṭhan vialte le CDF-Lautu nih kan pom lomi company ah rian a hung ṭuanmi vialte August 10 hlan ah CDF-Lautu hmunhma in chuak dih uh.
“CDM a tuah lomi inntek Lautu peng cozah rianṭuan vialte, August 10 hlan ah mipi lei ṭang in zungkai ngol ulaw CDM lut uh. Nan duh lo ahcun nan nunnak a him lo kho,” ati.
“Ramkhel kongah Chin National Front (CNF) hruainak kan zul lai. Chin National Army (CNA), Chinram hmunkip um Chinland Defense Force (CDF), NUG cozah dirhmi PDF le tlangcunghriamtlai phu kip he i bawm in uknak chuttu ralkap kan doh lai,” ati.
Relchap:Assam nih Mizoram thil herhbau an lak cemnak NH 306 an khamh hnuah meihul, gas le an herhbau mi cu Tripura lei ah an lak hnuah nihin August 5 zanlei suimilam 3 hrawngin Tripura in Mizoram kalnak lam cu Langkaih hlei ah an kham than.
Tripura, Damchherra le Mizoram, Kanhmun khua hna hi covid-19 hlanah khan cun a tlawngkai lengmang mi an si nain covid hnuah duhning in i tlawngkal an si ti lo pin ah Damchherra le Dharmanager dawr ngan a ngei mi hna nih Mizoram lei ah thil an kuat khawh lio ah whole sale dawr a si lo mi dawr fa deuh mi hna nih Mizoram lei ah an thil an zuar kho ti lo.
Mah ruangah Damcherra le Kanhmun cu zalong tein i tlawnkai khawhnak ding le thil an i cawk khawh cio nak dingah Mizoram lei nih i tlawngkal khawhnak lam on dingin an duh caah lam hi an kham mi a si tiah theih a si.
Hi kong he pehtlaih in Supply director nih Kanhmun le Damchherra kar i tlawngkai khawhnak dingah Mizoram cozah, Disaster management department sin ah khua pahnih nih an hman dingmi Covid-19, Standard Operation Proceture (SOP) a dang tein tuah piak dingah mizoram cozah sin ah chim a si.
Atu Covid-19 SOP ning ah cun, Kanhmun in Tripura lei luh duh ahcun RagT test ngeih ding a si i, quarantine an si.Tripura le Mizoram i tlawngkai nak hlei hi zing suimilam 7 in zanlei 4 tiang hon a si.
Damchhera bazar committee hna nih Kanhmun VLTF hna sin ah a hlan bantukin bazar ni tuah in thil i cawk cio dingin an rak nawl bal cang tiah theih a si.
Ref; Mamit PTC
Leave a Reply