Laitlang USDP A Thawnnak Khua Poh NLD Nih Hrial Seh!

Chin State in USDP An Sungh Dih Hi Teinak Nganpi Asi: Chin Party cu faktukin kan sung. Nain 2015 nak cun mipi thazang peknak a ngan deuh tuk. 2015 ahcun NLD a changtu hi USDP an si. Nain 2020 ahcun NLD a changtu hi Chin Party a si cang. Tukum ah CNLD in minung pakhat lawng nih a hmuh nain kan tha a chia lo.

Lawmh awk tuk a simi cu Chin State in USDP an sungh dihmi hi a si. 2025 ahcun USDP hi a tlau bakin tlau cang seh tihi kei ka saduhthah a si. Cu a tlau khawhnak ding ahcun a ralaimi NLD cozah nihhin USDP an thawnnak khua paoh cu hrial bak hna seh. An khua chung thanchonak zong tuah piak bak hna hlah sehlaw an rim lai i 2025 ahcun an tlau beh ko cang lai.

A tu ka chim bantuk hi keimah zong nih ka duhmi cu a si lo nain kum 70 chung a kan uk i Vawlei cungah man ngei lo bik ram dirhmun ah a kan chiami USDP le Ralkap a dirpimi khua hi cu rialdip hrimhrim an hau ko timi hi kei ka ruah ngai mi a si. Hi ka saduhthah a tlin khawh nakhnga keimah pumpak zong ka cawlcang lai. Credit: Salai Muvanlai