Laitlang Ramkhel Thlihran: By Salai Lairamthang

Laitlang Ramkhel Thlihran

********************

A ralaimi November thla i Kawlram pumpi thimnak ah, NLD in Chin ramkulh khualipi Hakha peng aiawh in hluttaw palai caah luh a timmi hna nih min an pek cang. June 12 ah NLD Hakha EC le khuanu khua pa hna nih thimfung an thlak hna lai. Minung 14 chung in teinak a hmumi minung 5 cu thimnak luhnak nawl (ticket) an pek hna lai. Thimfung tam bik pahnihnak a ngahtu cu reserve caah chiah an si lai tiah theih a si. Laimi lak I kan bochan mi kan pale hna nih NLD party ah MP cuh ding in an luhmi zoh tik ah NLD party caah thawngtha ngaingai a si.

State Hluttaw No.1
****************
Pu Zo Bawi,
Pu Moses Thla Cung
Pi Hoi Sung an si.

State hluttaw No 1 thimnak ah Pu Zo Bawi le Pu Moses Thla Cung ah pakhat khat an thim hna lai tiah ka zumh.

State hluttaw No.2
********************
Pu Sui Thio,
Pu Sunny Thang Cung
Pu Lian Ceu hna an si lai tiah theih a si.

State hluttaw No.2 thimnak ah Pu Sunny Thang Cung le Pu Lian Ceu ah pakhat khat an thim hna lai tiah zumhnak ka ngei. Pu Lian Ceu hi Senthang lei thimfung ala khotu ding a si bantuk in Pu Sunny Thang Cung cu Hakha khuachung thimfung a la khotu ding a si lai tiah ka zumhmi a si.

Pyitaungsu hluttaw timi [ Amyotha le Pyithu hluttaw ] caah Palai a cuh dingmi hna cu:

Amyotha hluttaw:
*******************
Pu No Al
Pu Ngun Hei
Dr. Aye Aye Ngun

Amyotha hluttaw palai thimnak ah Dr.Aye Aye Ngun le Pu No Al an thim hna lai tiah ka ruah. Dr. Aye Aye Ngun ka zumh deuh. NLD thimfung tahfung ah nu papek a si lai caah Dr.Aye Aye Ngun an thim lai tiah ka zumh.

Amyotha hluttaw 2.
********************
Pu Ngun Vung,
Pu Thla Hre
Pi Iang Tial

Amyotha hluttaw No.2nak a cuhmi hna chung in Pu Thla Hre le Pu Ngun Vung an thim hna lai tiah ka zumh. Asinain Pu Thla Hre hi rank sangpi a tuan balmi le rianthiam mi a si. Hmailei ahcun vuanci le CM tiang a tuan kho dingmi zong a si.

Pyithu hluttaw
***************
Pu Siang Hu
Pu Tial Ling

Pyithu hluttaw palai a cuh dingmi hi minung pahnih lawng an si caah an pakhat in thim an si lai I, thimfung tlawm deuh a ngahmi cu reserve a si te lai. Keimah zumhnak ah Pu Tial Ling hi an thim te lai tiah ka zumh. Pu Tial Ling cu Rangoon ah cozah rian rank sangpi a tuan balmi a si lawng si loin Rangoon khua ummi Hakha lei nih kan I bochan bikmi kan pa pakhat a si.

Thangtlang peng NLD aiawh in hluttaw palai a cuh dingmi hna zong nih min cazin an pek dih cang.

Amyotha huttaw:
******************
Pu Henry Van Thio
Pi Sui Ca
Kawlram Vice President Van Thio a cuh rih lai caah Pu Henry Van Thio tei ding hi cu a fawi lai lo tiah ka ruah. Cucaah Amyotha hluttaw Palai caah cun Pu Henry Van Thio an thim lai tiah zumhnak ka ngei.

Pyithu hluttaw:
***************
Pu Van Za Li
Pu C Za Cung
Pu Van Za Li le Pu C.Za Cung hi ka theihmi le ka hngalh tukmi an si lo caah a hlankan in cuanh chung ding ka hngal hna lo. Pu C.Za Cung hi Thantlang peng NLD hruaitu a si an ti.

State huttaw No 1.
*******************
Pu Chan Ham,
Jacob Thang,
Pu Thla Cung
Pu Steven Van Bik

State hluttaw No.1nak hi keimah ka zumhnak ahcun Steven Van Bik le Jacob Thang an chuak kho tiah ka ruah. Asinain NLD-EC le khuanu khuapa aiawhtu hna nih zeitin thimfung an thlak lai ka hngal kho lo.

State HLuttaw No 2.
************************
Pi Ni Sui Lian
Pu Sui Kar Lian

State hluttaw No 2.nak ahcun Pu Ni Sui Lian a chuak lai tiah ka zumh. NLD thimnak tahfung ah nu le pa an I zuam ahcun nu kha papek a si lai ti a si. Pu Ni Sui Lian cu Thantlang peng hluttaw palai a tuan balmi zong a si caah hmuh theihnak lei tampi a ngei cangmi a si.

Thantlang Peng Lai Party Aiawhtu ithimnak
*******************************************
Thantlang peng Lai party aiawtu palai thimnak cu an I thim hlan in anmah chungah I hmuh thiam lonak tete um sehlaw a dawh. State hluttaw No.1 hmunhma cu CNLD- EC nih Pu Lal Mawng Cung cu a hlankan in hmunhma ham piak cia dawh a si. State Hluttaw No 1 in cuh a duh vemi, Salai Ceu Bik Thawng hmunhma ngeih dawh a si ti lo. Amyotha hluttaw ah hmunhma a lawng nain NLD in Pu Henry Van Thio a cuhnak ding hmun a si caah Lai party nih an zenh deuh maw a si? Aisloah an kianh bia maw a si hngal hlah, atu tiang Lai party nih minung tlaih khih taktak mi an ngeih rih lo ti a si.Zei party poah ah a fit mi um a tha. Cozah dotu party ah a fitmi an um ve ahcun cozah tlaitu hna riantuannak check and balance a tuah khawh hna lai. Mah cu democracy ah a biapi ngaingai mi a si.

Lai party CNLD in hluttaw palai a cuh dingmi hna cu:

Pyithu hluttaw: Pu Rung Kaw
Amyotha hluttaw: ?????
State hluttaw No 1. Pu Lal Mawng Cung
State hluttaw No: 2. Salai Van Bawi Lian

Miphun party cu miphun cungah kan I hngat, a minung ah kan I hngat lo ti si ko nain a taktak ti ahcun zei party poah ah hruaitu le a minung hi an rak biapi tuk. Mipi nih upat mi hruaitu ngeih, mipi nih dawtmi hruaitu ngeih hi zei bantuk party an si ah teinak caah cun a rak biapi tuk ti hi tutan Thantlang peng Lai party thimnak nih a kan cawnpiak rua ka ti. Miphun party timi cu minung pahnih khat nih pumpak ro bantuk le pumpak company bantuk in kan I ngeih ding a si lo tiah ka ruah.
Ref: The Chinalnd Post.

 

 443 total views,  1 views today

This function has been disabled for Chin 11 News.