Laitlang In Malaysia A Rak Phan Tharmi An Tam

Lailei in Malaysia a phan thar an tam. Tulio hrawng Laitlang in Malaysia ah a phan tharmi tete an um ngai hna. Kan hnu kum 2017-2018 hrawng kha Malysia in Laitlang ah a tlungmi an tam bak nain tulio hrawng hi Laitlang in Malaysia ah a phan thar mi an tam ngai hoi.

Zei ruang bik ah Malaysia an rak rat tikah cun Laitlang ah riantuan awk set a um lo ruang ah a si ko. Lai lei ah riantuan awk a har ngaingai. Kan cozah nih kut riantuanmi hna caah rian a ser piak khawh hna lo ruangah riantuan ding a um lo ruang ah an rak ratnak bik a si.

Cu pinah kan ram Democracy zong hi mipi duhnak taktak in kal i ralkap uknak deuh in a kal caah hin kan ram ah hnangam tein um peng awk a tha fawn rih lo. Paletwa lei hna cu AA le Kawl ralkap ruang bak ah Malaysia a rak phan thar mi an tam hna.

Cun pinan Australia in chungkhar unau le hawikom auhnak lam a um caah Malaysia ah a rat phan thar mi zong tampi an um ve thiam hna. Tu hrawng hi Malaysia in Laitlang lei ah a tlungmi an tlawm i Laitlang lei in Malaysia ah a rak phan thar mi tu an tam ngai.

 

 351 total views,  3 views today

This function has been disabled for Chin 11 News.