Laipa Thawng Tial Cung Thang Le Aung La Nsang Jeremy Pacatiw He I Vuak Dingin An I Thuat Nak Ding Khuapi Ah An Kal Cang

Tutan Tial Cung Thang nih a thongh pi ding mi Philippine pa JEREMY PACATIW hi a tei lo sual lai ti phan um ngai ngai. Kan theih dih cio bang in Tial Cung Thang le Jeremy Pacatiw cu a ralai ding mi December 3 ah an i tthua cang lai.

Thlacam nak in dirpi rih ko hna u sih! Kan Laipa vawleipi nih an theih taktak mi MMA tiang ai tel khawh mi hi cu lomhpi lo awk hrim a ttha lo. Nang le kei nih kan ti khawh mi um chun cu a lang i thlacam piak te lawng hi si ko.

Tutan Tial Cung Thang nih a thongh pi ding mi Philippine pa Jeremy Pacatiw hi ai fit bak mi asi ve caah thinphang dai lo asi. Hmanh sehlaw Tial Cung Thang nih a tei ko lai tiah zah ah za bak in ka zumh. Nang teh hodah na zumh deuh mi si comment nak ah rak pe ve tuah.

Tu hi Aung La Nsang le Tial Cung Thang cu December 3 ah ai thong ding an si caah MANILA khuapi lei panh in an kal vuai mai cang. A rauh hlan ah ai thong ding an si cang caah tlacam nak in dirpi ko rih hna u sih.

RelchapThawngpang dang>>>>Tungse khua,khualai ah ralhrang hna rian khinh mi Sanyuaitaan sanguk bawi Htun Htun kah a tong ii a thi.

Bago ramthen,Thayawaddy peng , Tungse khua Sanyuaitaan sang ii ralhraang hna nih rian khinh mi sanguk bawi Htun Htun cu Nihin November 25 Zing slm 6:15 ah Tharyawaddy Kalone phu nih an kah caah a hmun ah a thi colh tiah thawng theih a si.

Tharyawaddy Kalone phu in rianngei tu nih cun “ Sang uk bawi Htun Htun cu ralhraang nih uk nak an laak sin khan a zung chung ah ralhraang hna hmun a khuar ter tawn hna ii ralhraang a tanh tak tak tu a si”tiah a chim.

Kahthah a tong mi sanguk bawi pa ii ruak cu ralkap le Palek hna nih an kal pi ii a tu hi ralhraang nih khua luhchuah nak vial te an phih ii checkhlai nak an tuah cuahmah sualnak ngei lo Mino hna an tlaih hna lai ii an thah hna lai ti kan phaang ngai tiah ,Khua mi pakhat nih Khit thit Media ah a chim.

Relchap>>>>>Khin U peng chung ii Ni (10) chung kahdoh nak ah ralhraang kut in tualchung mi 8 le PDF ralkap 10 an thi,Khuate (9) zong mei an khangh inn 543 a ciam.

Sagaing ramthen,Khin U peng chung ah ralhraang hna nih ni (10) chung ah khuate kua (9) cu luhhnawh in rallam an sial ii khuami 8 an thah hna leng ah PDF 10 zong an nun nak a liam ve.Ralhraang hna cu November 15 thok tekhan Khin U peng chung ah rallam an rak sial cang ii Vanlei zong in kahdoh nak an tuah ,cu tin PDF 10 le tualchung mi 8 an thah hna leng ah mipi inn 543 hna mei in an khangh hi a si .

November 15 lio ah ralhraang hna cu Yadaw khua ah lut in khuami 1 cu an kahthah. November 18 ah ralhraang hna cu Shwe Yamin khua ah an lut ii PDF 2 an thah hna.November 19 ah PaungLayKung khua ah ralhraang hna an lut ii Mipi inn (136) mei in an khangh ii tualchung mi 2 zong an thah hna .November 20 ah LatPaanGyi khua ii mipi inn (73),Madaung khua ii mipi inn (75), ShweKa khua in mipi inn (70) le SiSunglay khua in mipi inn (4) hna cu ralhraang nih an khangh ii Shweka khua in mipi 2 zong ralhraang nih an thah hna.

November 21 ah ralhraang hna nih SawGyi khua in mipi inn (64) le Thanat Sein khua in mipi inn (120) hna zong mei in an khangh.November 23 ah ralhraang hna cu KanThaya khua ah an lut than ii PDF 1 le tang 5 a kai lio mi hngakchia 1 an thah hna.

Khin U peng chung ah ralhraang hna nih hram hram in uk nak an laak thok in October thla dih tiang ah ralhraang nih khuate (47) cu mei in an khangh ii mipi inn 1856 a ciam leng ah ralhrang hna kut in tualchung mi le PDF 218 an nun nak a liam.tlaih khih a tong mi 143 tiang an phan tiah tualchung mi sinin theih a si.

Be the first to comment

Leave a Reply

Your email address will not be published.


*