Lainu Sui Cinzah Nih BLM Lam Zawh Kong A Phuan Dih Cang!

Note: Chin Mino nih BLM Protest i an kalnak kong hi a linsa i soisel tu zong an tam ngaingai. A soisel tu hi comment rel cawk lo an um i, tampi ka rel hnu ah kaa fianmi cu, protest i a kalmi chin mino nih zeidah an i tinhmi le zeiruang ah dah an kal timi a thei lo i, mihrut bantukin soisel a hmangmi pawl an si ti ka fiang. Mi soisel a hmangmi pawl hihi i cinken uh. “Pathian nih an soi nak hnga lo mi va soi hlah” Mattha 7:1. Mah ruahnak ngeih phung a si, asinain zeihmanh theih lo i, mi va soi hi khrihfa rian a si lo.

Sui Cinzah- A hramthok le a donghnak ka ttial asi lai.

A caan lio ah a linsa mi movement pakhat kan dirpi tik ah a dang movement paohpaoh thazaang kan pe lo tinak asi lo.

‘Black lives matter’ movement kan dirpi tik ah a pakhatnak ah nan theih dingmi cu:

• Thilfir, dawr baoh le hriamnam he a vaakmi hna kan dirpi hna a si lo i an thil tuahmi a ttha tiah kan ruah caah asi lo (a karlak ah misual pawl a rak i tenhmi an si).

• Lungfak ngai in thlennak taktak a duh i lam a zawhmi mipi kan dirpi mi hna asi (Vunnak asi lomi an tampi).

• Vunnak an si ruangah kan dirpi mi hna si loin minung an si ve caah kan dirpi mi hna asi.

‘Minung ciocio an si ahcun, ziah ngeikhat tthitumhnak hi na ttanh maw?’ tiah biahalnak a um kho. Bible nih vunnah cu sual asi ati nak ka thei lo. Asinain ngeikhat tthitumhnak cu a sual ati.

Atu lio caan ah ‘all lives matter’ ati mi cu a tanglei bantuk hi nan si.

Na hawi pakhatkhat nih ngaihchia le thinlung kekkuai taktak in phone an chawnh i “Kanu le kapa an thi” tiah an ti lio caan ah nang nih naa thawh i “Midang zong kan nu le kan pa an thi cio ko” tiah na hei leh.

A ngaingai ahcun, a hmanmi asi nain hi lio caan te ahcun, na hawi kha na ngaihchiat pi i na hnemh kha na rian asi.

Zei paoh hi caan an ngei. Atu lio cu kan minung hawi vunnak asi mi thleidannak fakpi a tongmi nih thlennak an ttamhal lio caan asi, cucu kan dirpi hna awk asi.

Note: I’m open to different opinions but if you have nothing nice to say, pls don’t say it at all

 116 total views,  1 views today

This function has been disabled for Chin 11 News.