Lainu Par Bor Tha A Men Lo e! Lainu Ciammam

BAE a kai mi sin in,

Min : Par Bor Ţha

A kaimi: BAE

Par Bor Ţha cu 2019 cacawn kum matriculation ah Chin State level top 3 a si.
CCU ah English course in first semester a kai ta mi a si. CCU a kai chung a hmuhtonnak a kan hrawmhmi hi rel a phu taktak.

“CCU ah semester pakhat ka kai dih hnu in ka chap mi cu a tampi a um. Kan cawnmi ca pin ah hmai lei ka nunnak caah ah bawmchantu ding si mi thil tam pi zong ka chap. Umtu ziaza lei zongah siseh,mi bu he thut dir dan zong ah siseh, mi bu he rian tuan ti dan zg si seh, ka chap ngai.
Cun, CCU ka kai hnu in mi hmai chuah i bia chim lei zongah confidence ka ngei deuh tuk tiah ka ruah.
CCU ka kai hnu in powerpoint presentation tuah dan zong ka chap. Group presentation kan tuah tik ah group chungah zeitin dah lungrualnak (team work) kan ser lai timi zong ka chap.
Saya/mah le students kar lak i chawnh biak dan zong ka uar tuk. Thleidannak dannak um lo te in a kan dawt dih i ca cawn zong a nuam. A chimtu lecturers pawl zong an active ngai i ca cawn a nuam.
Nifatin 11:30-12:00 chung devotion service a um mi nih hin Pathian he kan i pehtlai nak zong a than ter tuk. Cun, mah devotion in hin Pathian bia lei lawng si lo in mirang holh tam pi ka chap.
Zarh khat ah speaking club vui hnih kan tuah mi hi ka uar bik mi a si. Mah nih hin mirang holh holh nak ding ah a ka bawmh tuk i ralţhatnak a ka pek. Hawi tampi he kan ithei !

Hmailei lei ah CCU kai mi kan nau le zong speaking club kan kai tik ah tel sawhsawh si lo in kan caah advantage um ding in hmang hna usih ti ka duh! English holh a cawng mi kan si caah English holh in holh hi kan ning zah ding a si hrim lo. Kan hawi le zong kan mah zong ca a cawng mi (learners)cio kan si caah a ho hmanh a tling mi kan um lai lo i kan palh nak kha i nehsawh ding zong a si lo! Cucaah ningzah lo in kan holh chih a si ahcun kan cawn mi english holh thiamnak ding ah a kan bawmh tuk lai! (We all are learners and nobodys perfect! don’t be shy, just speak out!)

Cun, Thursday fatin school uniform kan i hruk mi hi ka uar tuk. Uniform kan i hruk dih ah khin lungrualnak a lang tiah ka ruah. Thinlung zong a nuam.

CCU ka kai hnu in mirang holh cawn hi ka lungtho deuh i hlathlai chap duhnak lungthin zong a ka ngeih ter!

Hmai lei tanghra awng i CCU ah caan chikhat chung siseh ,caan sau a kai beh ding zong si seh, tha kan pek tuk hna a ruang cu eng holh lawng si lo in Pathian bia lei zong in thazang kan i lak khawh nak hmun a si caah a si. Kan kai tik zong ah hawi le he caan hman ti sawhsawh ding lawng le nuamhseihnak sawh sawh lawng si lo in, kan mah pum pak cio kan nun ţhanchonak caah fim kan cawnnak hmunhma si ding in i zuam cio hna usih.”

 176 total views,  3 views today

This function has been disabled for Chin 11 News.