Laimi Nih Trump Cu Pathian Thimmi A Si An Ti Mah Ruahnak Cu A Palh Tuk

US ram a ropui ning cu thimnak an tuahmi in a fiang ko. Vawlei cung pumpi Media le news nih an tial i an zoh/an cuanh/LIVE in an thlah. Ramdang thimnak cu an tuah le tuah lo hmanh kan thei hna lo.

Minung cu a zeilei poah ah ttanhmi neih phung a si ko. Keizong Joe Biden ka ttanh. A sungh zongah ka ttanh thotho ko lai. Hillary Clinton zong a sung nan ka ttanh thotho ko, ka dawt. Laimi nih Trump cu Pathian thimmi a si an ti mah ruahnak cu a palh tuk. White evangelical Christians (Mirang evangelical Khrihfa) nih thimmi a si.

Laimi thimmi zong a si fawn lo. US thimnak i ttanhmi neih bu tein rak cuanh ve zong a nuam ngai ve ko. Nan Laimi caah cun US thimnak nak in Kawlram thimnak ah kan lung um deuh seh law a ttha ka ti. Kawlram uknak a thleng tuk ahcun ramdang ummi Laimi ca zongah santlaihnak tampi a chuahpi lai.

US thimnak cu Laimi caah cun cutluk pi cun tthathnemnak a um lai lo, milu hrim kan tlawm tuk rih. US thimnak a ropui ko, vawlei cung a cul dih.

Catialtu: Van Tum