Laimi Nih Kan Uar Ngai Mi Anthur Le Ngandam Nak

Anthur hi cu Laimi caah a sunglawi bik ko lai tiah ka ruah. Kan umnak hmun paoh ah hmunhma nih a pek ah cun anthur hi cu kan cin cio hna. Tihang ah kan so, meh zong ah kan tuah i kanmah le kan duh ning cio in kan chuan theo tawn.

Anthur hi cu ngasa he kan chuan tti caan a tam bik lai tiah zong ka ruah. Zeitin paoh in kan rak ei ko zong ah zeitluk indah kan pum caah ngandam nak a rak pek ti hi kan rak theih lo le hngalh lo caan a um lai. Asinain zeithil poh hi an thattuk ve bantuk in an that lo nak zong cu a rak um ve ko lai. A thatnak lei tu ka rak langhter lai.

Anthur hi kum tamtuk a rak liamcang mi thok in nihin tiang ah nganam nak sii caah an hman peng mi asi, a hnah, a thei, a par in a kung dihlak tiang hi sii caah a rak tha tuk tiah research nih an chim. Anthur kan ei nak nih a chuahpi mi that nak hna cu Ha (teeth) a fehter, kan kharuh a tthawnter caah hngakchia hi rawl an ei khawh hrawng cun anthur hi pekpah lengmang ah an tha tiah research nih an chim.

Cun naupawi lio mi nu ca hrim ah cun a rak tha thun, naupawi nih an herh bikmi taan-daat ai tel mi a si caah a pawilio mi nau he apawi tu nu he ngandam nak thabik a si. Cun cumpi tlangrai hi a khamh khawh. Vitamin C ai tel mi a si caah chunglei thisen a thawnter i kiktlaih, taklinh, khuhkhuh ti bantuk tlangrai zawtnak hi cu a khamh bak ti si. Cun a caan hman tein kan zun le ek a chuahter.

Anthur chungah a um mi Phosphorous nih kan takvun a tthawnter caah zawl-zaang tein kan thadi kho ti lo cu ruang ah cumpi tlangrai nih awl-zaang tein an kan tei kho lo. Cun nu caah a that khun nak cu nu nih nuphung a hngalh lio ah anthur tamdeuh a eidin piak a si ah cun a nuphung hngalh mi nganfah nak hi a nemter deuh hrimhrim.

 193 total views,  1 views today

This function has been disabled for Chin 11 News.