Laimi Nih Kan I Ralrin Bak Dingmi; Lai Dawr Ah Sii Zuar Bak Lo Ah A Tha

Laimi hi vawlei cung ram killi ah khua kan saa cang hna. Kan khuasaknak hmun ah Dr. te nih theihpi lomi sii zuar kan hmang. US ah siseh, ramdang ah Laimi nih sii an zuarmi a tam ngaingai. Sibawi hna le cawnnak a ngei lomi nih sii an zuar tikah a zuar tu caah a hlawk ngai ko nain a cawtu le a dingtu caah thatlonak tampi a chuah pi tawn.

Cu caah hi bantuk thiltha lo cu kan hrial cio ah a tha. Tutan zongah kan lainu Thinhnem Par Lian nih a tlang lei bantuk in a ruahnak le a siaherhnak a langhter mi hi van zoh rel cio hmah uh!

Zaangfahnak tein lai dawr ah sii cu zuar ti hna hlah u sih. A bik in nau hlaatnak si (Birth Control) le antibiotics (Amoxilillin bantuk) zuar hi cu hrial hrimhrim ko hna u sih. Mah si nan din ruangah emergency room a phaanmi an tam tuk cang.

A cawtu zong, zaangfahnak tein kan pum chung a lut dingmi poh hi cu tha tein hlat hmasaa hna u sih! Thil hman ning tein tuah hna u sih. Kan umnak ram ii an zulhphung zulh i zuam hna u sih.

Note: Hikong hi theihtha tuk a si kan ti caah kan Web ah kan rak tarnak a si. A rem lo nan ti cun kan hnawh than te lai.