Laimi Kan Pale Sin Cakuat: A Herh Ngai Mi le Theih Awk A Si Ngai Mi Cakuat

Laimi ai-awh in bu siseh, phu siseh, derh nak ah, lutlai le upa vialte hna ca kan kuat hna. San nan tlaihnak le bochan tlak nan si nak a tam pi ko nain Miphun pical tak nih ngeih a herh mi lungput kong he pehtlai cun bochan awk nan tlak lo. Nan tlak lo tuk ko bu ah, kan uh țah hna ruang zong ah si loin, tuanbia vialte ah Hmai lei Laimi nih “fihnung” tlangtar ah an in cawn nak hna hnga lo, ralrinnak ca kan kuat hna. Ciip,ciip timi len te aa celhmi pei nan lawh hi.

Ziah moral power, thinlung power pawl kha Laimi nan pek hna lo. Tu khal ralchiat le țhat lo ahcun turun an i țhek dih, Cenghngia nih an seh dih hna ti cu nan hngalh ko țung. Kan velchum ah cenghngia mah tluk an awnh ah hin nan huk nan vio ve lo hmanh ah nan kaa tal pau u hen. Turun hmanh pei a cheu cu an au ve cang hi. A cheu cu țihnak in pei an khah hi.

Tukhal pawl, upa,lutlai pawl nih țih hlah u, Lai pasal tho u, van ti pah tuah ngat u. Turun sinak in Chiandeih ah an i cang dih ve lai si. Nan mah hmur huh mi bang, nan ngor ruangah Lai cakei pawl cu tufa ah an can dih cang hi. Ralțhat, ralchiat timi hi zingzan rian pei si ko cu. A tu lio bantuk dirhmun ah aukhuan hnawh kan simi hi mipi ruangah si loin hruaitu pawl san nan tlaih lo tuk leh pek ruangah a si. Hi tining te in nan kal ko ahcun ralchiat le launak men in Laimi nan thih ter dih cang hna lai hih. Arakan te hna an ral an i țhat ter nak khi, a tu ah an hruaitu pawl an hmurkaa that le hrocer zia an thiam tuk ruangah a si.

Hrocer ziam, sual zia thiam caan a cu cang. Chim cawk lo in chim ding a tang nain za seh. Cu lawng ah miphun dang nih an kan upat ve lai. Dai-dup nan ummi nih hin chiatnak pakhat lawng a chuahpi lo teh. Tam tuk a chuahpi, hi hnu hmai lei zong ah daidup nan umnak theitlai chia pawl Laimi nih tampi an zun rih lai. A si kho ti lo.

Upat bik nak he, Wanted Siang Bawi

 128 total views,  1 views today

This function has been disabled for Chin 11 News.