Laimi Ka Fim Aa timi A Hrut Takmi Pawl Mualpho Ta Hna Seh!

Laimi Ka Fim Aa timi A Hrut Takmi Pawl Mualpho Ta Hna Seh!

Laimi kan ruahnak fihnung khawhning hi, mifim ngai i umter i hruh ngai tung. Fake account he i raltthat ter, mi soisel le mi thil ttha tuahmi zongah a tthalo lawng te hmuh. Laimi vialte kan si lo hi ka hna a ngam deuh, Laimi tampi cu thil tthat lonak lawngin kan ruat. Lainu pakhat BLM protest ah a kal vemi an tining hi mihrut bak an si. Hruh zongah hruh tuk leh pek khi si. A cattialmi hi rel ve ta.

Sau pi kaa ruah hnu ah tuchun cu Black Lives Matter protest ah ka va kal ve. African American Council of Churches nih an organize mi asi. Kan signboard kan i put i minute 30 deng ke in kan kal i, Wisconsin State Capitol tiang kan kal. Peaceful (daite) tein kan kal i Capitol kan va phak tik ah worship le thlacamnak in sau pi kan caan kan hmang. Mah lio ah ka lungchung i rak chuak mi cu, mah hi news ah a phan te lai lo i zeitluk in dah a daih ti mi hi protest a ra lo mi nih cun an thei lai lo. Daite in protest tuahnak hi ttha tein zoh ah cun news nih an piah bal lo i a kong zong an ttial bal lo.

Hi ka ttial mi in cah kan duh mi hna cu, thil fir le buaimi an um ve ko lai nain, mah bantuk protest a dai mi hi tam tuk an um ve ko lai. Thil a fir mi le a buai mi kha cu opportunists (caan ttha aa laakmi) tam pi an rak si ve. News nih a kan piah mi tu hi zeiruang ah dah a kan piah ti tu le Black Lives Matter i a muru hi zeidah a si ti tu theih i zuam hmasa hna usih. Protest kal khawh lo zong ah, a dang dang tein, kan ti khawh tawk tein, kan minak hawi le hi bawmh khawh an si. Credit Ngun Hlei Tial

Facebook group pakhat chung lawng hmanah ah rel cawklo mihrut comment a um. A min zong thup loin langhter viar an si lai. Fake account le bang cu mualpho seh. Lainu ruahnak a kaumi nih, protest nak ah a kal vemi cu maw thi deng cun nan soi ve. Amah nawl a si, nan cawm i nan kenmi zong a si lo. Laimi thih vialah zeihmanh nan tuah lo te hna nan ti, ziah nannih zong nan tuah ve lo. Lainu nih lungthiang tein protest a kalmi a soisel mi cheukhat mualpho ta han seh.

 364 total views,  1 views today

This function has been disabled for Chin 11 News.