Laimi nih hlasak thiam minthan kan ngeihmi leng Van Hlei Sung nih a mitthli tak buin CNA kong a chim ve cang. CNF ruangah ram thumnak kan phan an nih cu anmah ca hmanh ruat loin miphun caah har lengmang in rian a tuan mi an si tiah a mitthli tlak bu in a chim.
CNA an fa le tete ka zoh hna i ka celh lo tiah a tap pah in bia a chim. Miphun hitluk i an dawt lio ah kan nih ram thumnak um nih nih kan dawt hna lo ahcun a si kho ko tiah a chim. Zeitluk in dah harsatnak an tuar i an tem.
Kan nih cu an mah thawngin nuan tein ramlengah khua kan sa kho hna. Hitluk in miphun caah an tem i an nupi le an fale kaltak in ralram ah an kal ral an do cuahmah lio ah kan nih nih cun dawt tuk ding le an zawn hi ruah tuk ding an si tiah a chim. Video….
https://www.facebook.com/488085194974862/videos/831938421021078
relchap:Chin ramkulh, Palatwah peng Sami ah ralhrang phu hna nih lam an phih caah eidin ngeilo in kan um cang lai tiah khuami hna nih an chim. Sami khua ahhin minung 50000 hrawng an um, ralhrang phu kar le AA kar kahdohnak ruangah ralzaam dirhmun in riahbuk ah a ummi minung 5000 hrawng an umnak khua zong a si
“Sami khua nih hin zeilei poh ah Matupi hi kan i bochan hna, atu Mindat ah kahdohnak a chuah caah , Pakokko-Mindat-Matupi lam cu hman a ngah lo. Pakokko- Gangaw-Razua lei kal a ngah rih ko. Atu ah lam phih a si caah eidin herhhai an dih cang lai, phaisa um zongah cawk ding a um lai lo” tiah Sami khuami pakhat nih a chim.A luancia August thla in Sami lei kalnak lam hna cu an phih hi a si.
“Facang tunkhat ah 35000 in cawk tawn mi cu 70000 hmanh in cawkkhawh a si lo, datsii liter pakhat ah 1000 in cawk tawn mi a tu ah 3500 a si cang, cu zong cu caan tlawmpal cun a dih ding an si cang.Ralzaam dirhmun in riahbuk ummi hna cu WFP nih bawmhnak an pek hna caah atu tiang cu an tlam tling rih” tiah khuami pakhat nih a chim.
Sami khua cu Palatwah peng he meng 39 a hlat nak hmun a si, cu ka lam cu ralhrang phu hna nih gate chia in umkal an phih caah ,meng tamtuk a hlat nak Pakokko-Mindat-Matupi -Sami lam in an um kal na in, a tu ah cun cu an hman mi lam zong in cun umkal a har cang tiah theih a si. Mizzima
Leave a Reply