Laimi Cheukhat Hi Cu Biatak Tein Kan Luan Deuh Tawn Ko Aw!

Sopum khuami ralkap mi cheukhat nih phaisa in an kat hna. Kannih Laimi theu hi kan luan tawn ko. Kanmah le kanmah lam kan i phit lengmang ko hih.

Sopum um Kawl ralkap hna nih CNF camp umnak Vanzang Tlanh cu tlunkal an phih. Curfew an tuah hna. Vanzang tlang ah luh chuahnak lam an phih piak hna.

Sianin mi zeimaw nih Vanzang Tlang kal an duh tikah Sopum khua ah a ummi Kawl ralkap cu phaisa an pek hna i an kalter hna. Cheukhat nih phaisa an pek hna lo tikah Sopum khua ah ralkap nih sau pi an hren hna tiah theih a si.

Hi bantuk in Sopum khua um Kawl ralkap pawl cheukhat nih phaisa in an kat hna tikah phaisa a ngei ve lomi caah a har ngaimi dirhmun kan phan cang tiah khuami pakhat nih a chim.

Cu ruang ah a tu bantuk in mipi harnak an tong. Hi bantuk thil hi a ho hmanh nih kan tuah awk a si lo. A tu kan ram buai lio can ah mah bantuk ziknawh hman i hmailei ah ralkap nih a lem hna lai i Chinmi phaisa kawlnak ah an kan hman thai sual lai ti phan a um taktak.

Cu ruang ah Vanzang Tlang ah tlunkal a duh mi nih a ho hmanh nih Sopum khua um Kawl ralkap sinah phaisa pek ti lo ding. Phaisa in ralkap hrim ziknawh ti lo ding in kan in theihter hna.

Mahhi mipi nih an theih khawh cionak lai rak kan share piak cio hram uh. Kawl ralkap sinah phaisa in zihnawh tuah bak lo ding.