Laimi Caah Kawl Ralkap Le AA An I Dannak

(Kawl ralkap cu Uk lawng a si, AA cu Ram chuh chih kha an hmui tinh a si).  Upat bik mi careltu hna, Map he bak tawi te le piangpup in hrilhfiah ning mu. Kawl ralkap nih cun Chin State hi Kawl State ah khumh ding in an kan chuh si loin a uk tu in an kan uk khi a si. Colony style a si. Ramkhel a țhat cun Mipi kut tang ah an tla te lai i, Kan State chung ummi Ralkap nih an kan Uk ti lai lo. Union ralkap kan ti hna lai. Mi ram dang cio bang mipi kan kut tang ah a um lai. An sakhan hmanh khin an chuak lai lo i, nan ngai te hna lai. Puicimh caan ah mi bawm tu an si lai. Laimi zong Union Ralkap luh nan duh tuk ve lai i, tanghra awng lo le bang cu luh awk țha te lai lo.

AA an i dannak tu cu, Kawl Ralkap an i thlen te ding kha an hngak kho ti lo. Federal le Democracy an kan pek te ding kha an hngak kho lo. Cu tik ahcun Hriamnam tha zaang bak in lak an duh cang. A herh si cun UN Ralkap tiang țum awk tlak diarhmun kha buaipi an duh. Mipi nih an tuar mi kha Nau ngeih lai nganfah men a si an ti i, kan thisen cu a luan ve hrim awk a si ko timi Biatak kha an cohlan. Control Area men ah KIA te bantukin a dai ding an si ti lo. A niam bik Confederation an ti. Wa ram bantuk khi mu. Rakhan State hi Bangladesh he lawng aa ramri mi a si. Nain AA nih hin India he ramri si zong an duh. Paletwa hi India he zong aa rit pin ah Bangladesh he zong saupi aa ri chihmi a si. Kha kha a chuh bak in chuh kha an kan timh mi a si. Sipuazi a țhat ruangah a si lo. A ruangdang tampi a ummi caah chuh an kan duh nak a si. I dornak men a si lo.

Kawl ralkap bantukin Uk kha a si ti lo. An mah Rakhan Ram hrimhrim i peh kha an tuah cuahmah mi a si. Kawl nih Kan ramri vialte an lonh i, hmunrawn paoh Kawlram ah an peh bantuk kha a si. Kalaymyo Kawlram a si bantuk khin AA zong nih Paletwa kha Rakhanram ah khumh an duh mi a si. Pek ti lo ding khi a si. A tir tein ka chimmi cu Paletwa peng ah AA an thisen chuakmi a tam ahcun an thlah duh ti lai lo ka ti bal cang. Cu lio ahcun zapi hrut deuh nih cun AA cu aa dor ta sawh mi an ti. Micheu hrut chin ve nih cun an ci mit colh lai an ti ve. Kei mah tu kha an rak ka phomh. Nain ka chimmi aa hrawmmi mifim thong tampi an um ve.

Cucaah tuak cio ko uh. AA nih Ram an kan chuh cuahmah lio a si. Kawl ralkap tu nih cun chuh si loin uk lawng a si. A caan phak tikah an tlung te lai maw lole kan kut tang ah dik an um te lai. Politics hoih si te lai. Mah cu Vawlei um zia a si. Nain AA nih cun a caan phak tikah cun Paletwa cu an kan chuh lawlaw ve lai. UNO zong i bochan duh hlah uh, a ngah lo. Hi zawn ahcun UNO nih zei hmanh a tuah khawh ding um lo. Cucu Vawlei umzia a si.

Credit: Siang Bawi

 334 total views,  1 views today

This function has been disabled for Chin 11 News.