Lai Nungak Mino Te Nih CDM Sawmnak A Tuahmi Cu A Ropui Lawlaw!

Harnak kan pah lo ahcun harnak chung ah kan um peng a hau lai. Uknak țha lo kan doh lo ahcun uknak țha lo tang ah kan um peng a hau lai. Kan duh mi Federal Democracy kan ngah hlan tiang kan lung țhul hna hlah usih.

Atu caan hi uknak țha lo kan doh khawhnak caan țha a si. Cozah rian țuan hna nih #CDM tuah hna usih. Kan lung i rual hna usih. Kan lung ai rual cun kan tei hrimhrim lai. Kan tei lai. Crd: Mercy Meng

Sawmnak Relchih ding: Inn ah #CDM dai tein na tuah mi khi mipi nih lam ah nunnak an pek mi tluk in man a ngei. Nang le kei hi kan ram ca le kan tefa caah tuanbia roling țialawk ngei tiang in san a tlai mi kan si lo.

Kan ram le kan tefa hna caah tuanbia roling kan țial khawh lio caan țha a si. Bia kaakhat upadi ah a ser mi hna kut in kan luatnak caan țha bik a si. Ralkap uknak cu ka duh lo nain #CDM ka tuah kho lo na ti cun ralkap uknak na cohlan he ai khat thotho.

Tuni i kan țial mi tuanbia hi a tlau lai lo. #CDM na tuah lo ruang ah tuanbia nih an philh lai lo. Kutdong in an sawh caan a phan țhan lai. Na tuah mi thil ah na lung a tling ko maw?
Na sia a rem ko maw?

A har ti kan theih mi kan pah lo ahcun cu harnak chung ah kan um peng a hau lai. Cu harnak chung kan luatnak ding caah a har tuk kan theih buin #CDM tuah ko hna usih. Credit: Mercy Meng