Lai Mi Vialte Nih Ralrin Cikcek Ding Mi, A Bik In US Chin Mi Nih Kan Ton Mi Asi Tiah An Langhter Cang

Tuhrawng Chin miphun lakah hack a tam

Facebook mesenger ah siseh, email ah siseh, nan thei bal lomi nih hmet ding link siloah video an in kuat hna ahcun zeitik hmanh ah hmet hlah-zoh hlah. Cun na hawile nih zoh ding link siloah video maw an in kuatmi paoh zong hmet ding asi lo. Iralrin thiam a hau. Mitha lo nih rap chiahmi a tam. Tuhrawng hi USA um Chin miphun tam ngai i an facebook account an hack piak hna.

Cucaah website link phun hmet ding le video link phun hmet i zoh ding phun kuat na tawn ahcun iralrin thiam ngai kan hau. Atu ka rak tarmi video link hman in Chin miphun tam ngai an hack hna.

Dallas le Lewisville area um hna nih hack nan ton ahcun FBI phone (972) 559-5000 ah report tuah le alakin bawmh hal khawh asi. Hmundang ummi hna zong nan mah le umnak khua siloah State pawl i FBI zungah report le bawmhnak hal khawh cio asi. Mirang holh thiam lo zongah holhlet tha tein an in lakpiak ko hna lai.

Catialtu: Salai Z T LianĀ 

 175 total views,  1 views today

This function has been disabled for Chin 11 News.