Lai Khualipi Hakha Hi Rak Zoh Ve Tuah Uh! (+Hmanthlak He Rak Zoh Chih)

Chin state chung ah khulipi bik a si mi Hakha dirhmun hi zoh ah cun ningzak ngaingai a si. Hi kong ah hin cun Hakha khuapi chung ah a um mi mipi pawl sualphawt awk an tha lai lo.

Nihin ah Myanmar ramchung ah kan I bochan ngai mi hna NLD cozah nih zeiruang ahdah Chin state khualipi a si ve mi hi thianhlim nak lei ah tuanvo an lak ve hnga lo.

Hakha hi ruah fak deuh in sur poah ah cun khuachung ah lamkal nak hmanh tha loin hnawmtaam nih lam a khuh dih lengmang mi hi zoh ah cun ningzak ngaingai a si.

Hakha ah hnawmhlonh nak mawtaw hna a um ve hnga lo maw? Hnawmhlonh tu ah tuanvo an pek mi hna nih teh zeiruang ah felfai tein hnawm hi an hlonh ve hnga lo. Mipi nih an duh nak paoh ah hnawm an hlonh caah maw hi tluk in Hakha hi fihnung ah a chuah ko hnga.

Hakha khuapi chung ah NLD hruaitu pawl le si-pin lutlai nih fakdeuh piin tuanvo an lak cu a herh ngai mi a si. Hi hnu zong ah hnawmtaam tamtuk a rak chuah rih ah cun Hakha cu mualpho taktak dirhmun a si ko cang lai.

Hi tluk in hnawm hlonh nak kong ah si-kaan kan ngeih lo hi cu a poi ngai mi a si. Hakha khualipi a thian hlim khawh nak le zohdawh tein a um khawh nak ding ah cun Hakha Khuapi chung ah a um mi le khuasa mi pumpak pakhat cio zong nih tuanvo kan ngei ti hi theih ngaingai a herh.

 198 total views,  1 views today

This function has been disabled for Chin 11 News.