Kum 90 A Si Cang Mi Api Cu A Thah, Asa Vialte A Chum Le A Rak Ei Dih Cang

Kum 37 a si mi pa pakhat nih atar ngainga cang mi api cu a rak thah hnuah apu sa pawl cu a rak chumh hna i a rak ei dih hna tiah thawngzamh nih an tial. Hi kum 37 pa hi a min ah Dwayne Wallick a si i June 1 ah khan police nih an rak tleih cang mi a si. Hi thil acan nak hmun hi California pengkulh Richmond i inn pakhat a si.

Dwayne Wallick nih kum 90 a si cang mi a pi hi a thah hnuah ei awk a that nak a sa paoh hi a rak hlawi hna i a rak chum lengmang tiah police pawl nih cun an chimm. Kum 90 a si cang mi pitar cu inn pawng mi nih an hmuh lonak a sau cang caah an khuaruah a har ngai, a thih zong an thei hoi lo, cu ruang ah police sinah thawngthanh nak an tuah hnu ah police Taser hmang in Dwayne Wallick cu an tleih khawh hi a si.

Kum 90 a si cang mi pitar hi a min ah Ruby Wallick a si i police nih Dwayne Wallick an tleih ah hin a lu leĀ  a ruh deuh lawng hi a rak tangcang. Dwayne Wallick hi riitsii le zuu nih faktuk in a tei cang mi a si. Dwayne Wallick cu police nih an tleih hnuin Martinez Detention Facility inn ah an hren i a tlawmbik kum 15 cu thongthlak ding a si lai tiah an chim.

Source: D Nae Khit

 208 total views,  1 views today

This function has been disabled for Chin 11 News.