Kum 5 Chung Ah NLD Nih Chin Ram Ah Thil Fihnung An Tuahmi!

Chinmi cu sifak mi ram kan si ti cu kan theih nain ziah sifak bik minung sinah dawtnak innhmun an kan zuhter ‘ sifak mi cu ting 100 hna in an kan cawkter than? Sifak sinah innhmun ting 100 in zuar cu zeitin kan cawk khawh hnga? Kan cawk khawh lo ahcun Kawl mirum sinah pei a phan te ko lai cu.

Kum 70 renglo Kawl nih an kan uk i Pupa ram chuh timi um bal ttunglo. Ziah NLD chan ah hi tluk lawmmam in pupa ram um lo tiah an kan chuh. Anmah uknak cu kum 5 lawng si rih mi ah pupa ram cu an kan chuh dih. Pathian nih miphun tling ah a kan ser i holh le ca le nunphung le biaknak ngeimi kan si nain kanmah nih kan ngeihmi kanmah nawl nih hman khawh mi pakhat hmanh kan ngeih tunglo. Chimh len zongah cunglei kan chim ta hna lai an ti i kum 5 pei rau cang hi.

Khrihfa ram kan si hi ziah Khrihfa mi Pathian biakni thengte manhlo in an kan tuah peng? Pupa ram an kan chuh i mirum kawl) a sin a phan te kun lai cu ta?

Timit ti kum 5 ah an lim khawh ttunglo ah Nawi dam cu buaipi an timh rih. Bualpi khua an hrawh i Hakha inn an thehpiak hna pinah Thlan tiang an hlaipiak hna. Eihmuar le ziknawh kan doh an ti i anmah tu an zual deuh lehlam cang ko hi ta.

Santlai lo tiah na timi Party hi miphun dang Party silo nangmah na chuahnak le na miphun party a si ko caah santlai a si tik tiang hngak loin santlai si dingin nangmah tu nih dirhpi law a tha. Chin Miphun caah Miphun party le Chinmi an ttha bik i zumhtlak bik an si ti philh hlah.
Tutan cu Chin Party vote ko tuah. Palh ciocio ah mah miphun cungah palh di a riam deuh hrim ko

Catialtu: Salai Pa Thawng

 35 total views,  2 views today

This function has been disabled for Chin 11 News.