Kum 4 Ngakchia Tlaihhremtu Kong A Fiang Taktak Cang!

Zahan thawngpang nih cun Chin mi a kan lauter ngai ko lai. Hi bantuk thil hi Chinram khrihfa aa timi ram i a can hi a mak i khuaruahhar a sinak cu kum 4 te lawng a si mi sin i hi bantuk lungput a ngei kho tu hi a si. Kan nau nu kum 4 nute a tlaihhremtu konglam hi tlawmpal theih a si cang. Annih hi Laimi siloin Kawl a si. Hi ti hin VOM News nih cun a langhter:- Hakha ah kum(4) Ngakchia tlaihhrem tu Kawlpa cu Court nih ngaihthiam dawh a si apoi taktak Chinmi kan dih lakin lungrual tein ralttha taktak in dir bak a herh ko hih!

Hakha ah Kawl pa nih ngakchia kum(4) a tlaihhrem. Hi thil hi a luancia July 27, 2020 ah khan a si cang nain nihin tiang biaceih zung lei nih zeibantuk Dantatnak puitling hmanh an tuah rih lo. A tlaihrem nak hi thla khat leng a si cang. Biaceih zung nih nu lei cu bia an hal cang hna i nihin ah khan misual pa lei bia hal an si ve lai tiah nizaan ah an chim. Zeitin dah bia an hal ning a si timi belte kan thei rih lo.

Hakha khuapi ah Kawlpa nih ngakchia kum 4 lawng a si rih mi an tlaihhrem hi kan thut sawsawh awk a si lo. Biatak tein CYO, CWO le zatlang bu a kapkip in kan dir awk a si. Thildik, Justice a chuah khawh nak ding ah biatak tein kan au cio a herh. Cu lawng si loin chungkhar lei zong kan dirkamh hna, thazaang kan pek hna a herh chawva lei in siseh, cawlcangh nak zong in thazaang pek le chuah hnawh chih an herh ngai tiah ka ruah.

Kawlram ah khin Chin mi nih ngakchia kum 4 va tlaihhrem sual usih law Kawl mipi dihlak an au cang lai, kan nunnak hmanh a dih cang lai. A sin ain Hakha mipi le Chin mipi dai tein kan um ko hi cu a mak taktak a si. Hi Kawlpa hi kum 30 hrawng a si i nupi le fa he a um mi a si tiah an chim fawn. Kawl a si caah Hakha Biaceih zung nih ngaihthiam dawh a si timi thawngpang aum fawn. Cu caah a si khawh chung in thildik, biaceihnak dik a chuah khawh nak hnga dir cio hram usih.

Source: VOM

 404 total views,  7 views today

This function has been disabled for Chin 11 News.