Kum 38 Hnu Ah Hring Tu A Nu Le Pa He An I Hmu Tthan

China nupa hna i an fapa duh a nung tuk mi an nei i kum 2 a si ah a tlau, kum 38 chung cu mangchia manh in an caan cu an rak hmang liam. Cozah bawmhnak thawngin an hmuh tthan, Huang Renxiu le Su i fapa te an nei i a min ah Jin Shui tiin an auh. Tlangram khuate ah an um i an harsa tuk nain an nun cu a nuam tuk hringhran. may 12,1982 chun ah inn chung khar pa bik cu chungkhat inn ah ava leng, thil herh a um ruangah a zan cu ttin loin ariak colh.

A si nain a njupi nih a ttin colh dingah a rak ruah i innkaa cu hrenh loin a it-zau. Zinglei a tho cu a sin ah it mi a fapa cu a rak um ti lo ruangah a pasal cu chimh colh. Cu ti i, am khua pi dih lak in an kawl nan an hmu kho lo, hmun dangdang ah an kawl len zongah an hmu kho lo. Kum 38 chung cu an fapa a sining cu an thei kho ti lo, palik pawl nih an si khawhtawk le an tuah khawh chung in an kawl ko nain an fapa atlau mi a kong lam zei thawngpang hmanh an theih lo. A nu cu chun-zan in zei khua ruat kho loin ttah lawng a rian ko, lungzawtnak tiang in a neih, an fapa an kawl nak ah khua dangdang ah an pem lengmang.

Kum 70 an tling hnu september 17,2020 ah an fapa Jin Shui cu an hmuh tthan i mitthli he i kuh pah in an hnemh. China cozah nih thisen-chek nak national DNA database in an kawl i, an fapa cu nupi arak nei cang i fate 2 an nei. A pa nih, kan in hmuh tthan ti rua lai lo tiah na nu he hin kan lung adong cang, si nain tu ah cun nangmah lawng si ti loin nupi le fate he kan hmuh hna, tiin a lawmhnak cu afapa le nufa rual hna sin ah cun a chim, china ramah ngakchia fir hmang an tam tuk, mi a cheu khat ngakchia cu ramdangah an zuar hna.

Tthen khat ngakchia cu mi rum fa nei lo pawl nih an cawk hna hna i an fa ban tuk in an cawm hna.Tthen khat ngakhia cu an thah hna, tthenkhat a si ahcun taw zuar in tangka hmuh nak ah an hmang hna.Jin Shui a rak cawk tu hna hi mi tha an si ka zumh, nupi fate neih in inn chung khar an rak ding ning in hin mitha an si cu afiang. Kum 38 chung zeitiin dah a nun a hmang ti cu a langter rih lo.

 

 164 total views,  1 views today

This function has been disabled for Chin 11 News.