Krihfa Nupa Hna Cu Lih Hrokhrol In Sual An Puh Hna Caah Thih Dantat Nak An Pek Hna

Pakistan ram Gojra, Lahore pawng ah khua a sa mi hna Khrihfa nupa a si mi Shagufta  Kausar le a vapa Shafqat Emmanuel hi Pakistan muslim pawl nih text message hmang in Prophet Muhammad thangchiat nak le sual puh nak an chim lengmang tiah sual an puh mi hna an si.

Pakistan ram ah Khrihfa mi pawl hi ahman lo mi ning in hi bantuk sual phawt nak ruang ah thongthlak mi le an thah mi hna hi an tam ngaingai cang. Shagufta Kausar le a vapa Shafqat Emmanuel te nupa hi 2016 khan thih dantat nak pek ding in zeidah an sual kan hmuh lai tiah Muslim pawl nih an rak buai lengmang mi hna a rak si.

Pakistan ah hin cun Islam soisel nak bia a chim ko tiah mi pakhat nih a ti ah cun zeihmah tehte a um lo zong ah tleih cawlh le thah cawlh lengmang a si ko. Thaizing hi Shagufta Kausar le a vapa Shafqat Emmanuel caah a donghnak bik biaceih zung an phak a si lai i biachah nak le fehter nak an tuah lai.

BBC thawngzamh nih a langhter ning ah cun Shagufta  Kausar hi Khrihfa sianginn ah rian a rak tuan tawn mi a si  tiah zong an langhter ve. An nupa in thong an thlak hna chung vialte hi a naupa Joseph nih a veh tawn hna caan poh ah hin police pawl nih an rak hrem tuk hna ning hi celh ding a si lo tiah a chim. Hi hna nupa hi an caah chunmui a tlung ko.

 176 total views,  1 views today

This function has been disabled for Chin 11 News.