Karen National Union (KNU) brigade-1 nih an control nak hmun hma chungah a luancia July thla chungah KNLA le ralhrang karlak kahnak a chuak i, voi 22 hrawng kahnak a chuak, mah kahnak ah hin Rahrang klei minung 53 an thah hna i minung 39 nih hliam an tuar tiah theih a si.
Ralhrang lei minung pakhat cu KNU sinah a hriamnam he a lut. KNLA nih ralhrang tampi an thah hna lawng si loin an motor zong an hrawh piak chih hna tiah theih a si.KNU /KNLA lei in minung pakhat a nunnak a liam ve.
KNU Brigade -7 Batallion 16 in dirh mi a si i, Brigade -1 hi Mon ralkulh Tatthung distric ah Brigade -2 hi Mon ramkulh Taungngo pengah, Brigade -3 hi Ngeonglaybin peng ah, Brigade -4 hi Dawai pengah, Brigade -5 hi Hpakant pon pengah Brigade -6 hi Dupalaza district le Brigade -7 hi Hla-ann ah a si.
Relchap: Waimaw Khah-Lah-Yiah 58 nih pawngkam khua hna cu hriamngan in an kah hna Kachin ramkulh, Waimaw ah ralhrang Khah-Lah-Yiah 58 nih August 5 zinglei ah hriamngan in an kah hna caah pawngkam khua ah hriamngan cu tla in a puak tiah Kachin thawngzamhnak nih an tial.
Nihin August 5 zinglei suimilam 2:30 hrawng in 3:00 tiang hriamngan in an kah hna,Laban khua,Khatchu(ခတ္ခ်ိဳ) khua pawng le Waimaw khua luh lai nak ah hriamngan cu an thlak hna caah cheukhat inn hna cu a rawk tiah KNG nih hmanthlak he an langhter.
“Atu thil cang mi hi Waimaw khua chung dihlak hi an kah ti awk in a um, zaan hngilh lio ah an kah caah mipi hna cungah tuah hram in thihphaih a si i,atu ahcun Laban khua mi cheukhat cu a hlan kanh in an zaam cia cang” tiah KIA thawngzamhnak lei pakhat nih a chim.
Khah-Lah-Yiah 58 battalion cu Kachin ralkap nih dohnak a um lo nain ralhrang lei kap lawng nih fakngai in kahnak hi an tuah tiah KIO lei biachimnak nawlngeitu Buhmugyi Naw Bu nih a chim. Photo – Kachin News Group; #Khit Thit Media
Leave a Reply