KNU Mipi Ralkap Nih Ralhrang Minung 400 Leng An Thah Hna

KNU nih anmah tang um KNLA, KNDO le SAC ralkap March, thla khat chung an i kahdohnak cathanh an chuah.
2023 March, thla khat chung ah KNU tang um KNLA, KNDO le SAC ralkap kar kahdohnak voi 373 a chuak. Cu kahdohnak chung ah cun SAC ralkap lei in 424 an thi, 258 nih hliamhma an tuar tiah theih a si.

Tualchung hriamtlai phu lei in ralkap 7 nih ram le miphun ca ah an nunnak an pek, 31 nih hliamhma an tuar. Nunnak liammi le hliamhma tuarmi hna lak ah PDF chungtel zong an i tel tiah cathanh an chuah.Crd.. TCP

Relchap>>>>Mizei Phu Ti Theih Lomi Nih Naypyidaw Air Base An Kah Caah A Kang

SAC ralkap nih biapi ngaiin an chiah i an hmanmi vanlawng umnak sakhan Naypyidaw Air Base cu April 16, zan suimilam 11:00 hrawng ah an kah caah, mei-alh nganpi a chuah hnu ah a kang tiah Naypyidaw hrambunh media hna nih an langhter.

“Naypyidaw Air Base ah April 16, zan suimilam 11:00 hrawng ah puahkehnak voi hnih a than hnu ah meikanghnak a chuak, a kanghning zong a fak ngai. A thimi le aa hliammi zong an um tiin kan theih, thil sining dikthlir cu fiang tein kan thei rih lo” tiah Naypyidaw hrambunh media nih an langhter.

Naypyidaw Air Base a kaptu hi mizei phu an si theih a si rih lo. Hi kahnak ruang ah hin meikanghnak a chuak i, cu meikang zong cu caan sau ngai a rauh hnu ceo ah an hmih khawh tiah theih a si.