KNU Cawlcangh Cu Ming Aung Hlaing Caah Mangchia Lawngte Si Ko Cang!

Tutan Kawlram buainak ahcun tlangcung hriamtlai phu pawl an cawlcang cuahmah cio hna! A sinain cu hna lakah KNU cawlcangh hi mipi thinlung a lak khun! Tutan an i kahnak ah KNU cu bia tein an cawlcang caah ralkap pawl nih a celh in an celh ti hna lo tiah theih a si.

Nizan zing ah KNU le Ralhrang pawl cu fak in an i kah hna caah KNU nih Kawl Ralkap cu an hngawng in a dih thluahmah hna i, kawl ralkap 28 an thah hna pin ah an hriamnam zong tam lak te an lak tiah tiah theih a si. KNU cu an raltha pin ah an hriamnam hrimhrim nih a tlin tuk ti a fiang.

Thawngpang Dang: CNF le Ralkap West Northern Commander Hakha Ah An ITong! CNF Vice Chairman Dr. Sui Khar le Thantlang CNF Liaison Office In Charge Pu Ral Hnin nih tulio boruak kong he pehtlai in Chinram ralkap bawizik West Nothern Commander cu Hakha ah nihin zanlei 4pm-5:30pm kar tonnak an ngei.

Tlaihkhihmi hna thlah ding le Duhlonak lamzawhmi pawl harnak peklo ding CNF lei nih an hal i Ralkap lei nih CDM aatuahmi palek pawl nan kan pek than lai tiah an hal hna. CDM aa tuahmi palek pawl cu CNF camp ah um lo in India ram an zam dih cg caah pek ding an um tilo tiah CNF nih an leh hna.

CDM aa tuahmi Palek pawl zoh dingah Thantlang Ralkap minung 23 cu Tlanglo in camp tiang an kalter ve hna tiah theih a si. Thantlang ralkap bawipa cu zu a ri ngai i chonh awk tha in a umlo tiah a hmutu minung pakhat nih TCP ah an chim. Credit: TCP