KNU Cawlcangh Cu Min Aung Hlaing Caah Tih A Nung Tuk Cang!

Kawl ralkap lakah tihnung bikmi le a sual bikmi tlangcung le mipi a kan that tawnmi Tatma(77) cu KNU nih an cilsa hmanh dawlh manh lo in lampi ah an thah hna. Atu hi KNU cawlcangh hram an thawk ka lawng si.

Kawl ralkap tampi an thah cang hna. Zahan zan zongah Karen state Phayatungsu myo i an tlaihmi Karen mino pawl cu KNU pawl nih palik sin ah an kal hnawh hna. Tampi bia an chim lo..KNU ralbawi pa nih palik le ralkap pawl a timi hna cu

Tuzan ah nan thlah hna lai maw thlah hlah. Tuzan nan thlah hna lo si zongah thaizing zing suimilam 8tiang kan in zoh hna lai i nan thlah hna lo cun nan tuar lai a ti bak ko hna. Credit: TCT

Thawngpang dang: Ralkap nih mipi an thah mi hna nak fak deuh in KIA nih an thah hna. Nihin March 11, zinglei zong ah Pakhanh peng Seyin khua um KIA Tatmaha 9 tang ummi Tatzin 26 nih an pawng ummi kawl ralkap sakhan pakhat an lak than. Kawl ralkap hriamnam tampi KIA nih an chuh rih hna.

Nihin an i kahnak ah Kawl ralkap lei Buhmu telh in a thimi le hma a pumi an tam ngai ti si. An meithal zong zun 10 fai KIA nih an chuh hna. KIA nih rampi theih in an phuan cang. Mipi lei nih an kan sawm bantuk tein ralkap nih sualnak ngei lo mipi an kah peng hna caah ralkap cu kan tuk thluahmah cang hna lai an ti.