Zahan zing suimilam 11:50 le 1:30 hrawngah Min Aung Hlaing ralhrang pawl Air force pawl nih jet aircraft 4 h,man in KIA kalkap pawl umnak -(8) Headquarter le Army-5 (5) umnak hmun ah Bomb an thlak hnawh hna tiah theih a si. Mah an Bomb thlak mi kong he pehtlai in a thimi le a thliammi an tar lo. Ka Chin News
Relchap: Magway ramthen, Tawngdwingyi ah ralhrang pakhat cu zu a rit caah ,khuachung mi pa pakhat cu a ruang um lo in meithal in a kah tiah theih a si.
” Office of Education hmai ah nizan zaanlei suimilam 4:00 hrawngah khuachung mi pakhat cu sii caw ding in a kal lio ah rallokap pa nih cun na kal kho lo a ti, sii caw ding pa cu luh/chuah khawh nak nawl card zong a ken i sii cawk ding ka herh taktak ko tiah tha ten in a chimh ko nain, rallokap pa nih cun ka chim mi na ngai duh lo tiah meithal in a kah nain a kheng lo, cu tlawmpal ah cu ralhrang pa cu rallokap motor in an kal pi” tiah a hmu tu pakhat nih a chim.
Cu rallokap pa cu kum-50 luan hrawng a si.“Cu ralhrang pa cu zurit bu in a luancia nihnih hrawng ah khan sii-inn ah i zohter ah a kal mi hna zong nan kal kho lo tiah a kham hna i,phaisa a hal hna, 3000 an pek hnu lawng ah a thlah hna.Lam ah a um kal mi cheukhat cu bia ngeih awk tlak lo in a hro hna ,a zurit chiat he ni fatin ti awk in zu a ri” tiah neihniam mi pakhat nih a chim.
Tawngdwingyi khua cu ralhrang nih Stay at Home ding in ri an khiah i, ri khiah nak leng in leng a chuak mi hna cu zei biahal nak um lo in ralhrang hna nih nifatin ngawt in tuk velh nak a um tiah khuami hna sin in theih a si.TCP
Leave a Reply