KIA Pasal Tha Rual Nih Min Aung Hlaing  Ralhrang Tam Taktak An Thah Than Hna!

Tuzing ah DVB thawngzamh nih a rak tial ning ah KIA nih Kawl ralhrang minung 40 an thah hna I KIA ralkap lei minung 2 an nunnak a liam ve tiah a rak langhter. Kachin ramthen Bamaw ah April 27 i KIA le kawl ralkap i kah nak ah Ralhrang lei minung 40 an thi i KIA lei in minung 2 an thi ve tiah KIA lei nih an chim.

KIA ralkap sakhaan hi Min AUng Hlaing ralhrang lei nih vanlawng in vawi 8 kheng te bomb an thlak. April 28 zing suimilam 7 hrawng ah Wine Hmaw myone Madaing khua le Laban timi khua kar ah Ralhrang pawl cu KIA ralkap nih an kah hna i ralkap lei tam ngai an thi tiah theih a si.

Cu hnu suimilam 9 hrawng ah Kawl ralkap lei nih hin vanlawng 2 in bomb an rak thlak tiah theih a si. Kawl ralhrang Ralkap lei nih hin KIA he i kah nak ah an ralkap lei a thi mi zah hi an langhter lo nain KIA nih an langhter. Taung Kyi ah Kawl ralkap Training kai lio mi 3 an zaam i an zaam nak ah pakhat cu Rul nih a cuk i a thi. Pahnih cu an luat i, atu hi Taungkyi Gate pawl ah ralkap mawtaw tampi an phan tiah thieh a si. Credit: DVB

Thaizing Kong Aung La Vs Ridder Kong: Tutan Aung La N Sang le Ridder An i phomhnak ding kongah a caan a buaimi tampi kan um! A fiang lomi caah fiang deuh tein ka van langhter: Thaizing April 29,2021 Zing Suimilam 6:00 Am to 9:00 Am Karlak ah a si lai. India Ummi caah cun Star Sport TV Channel ah zoh khawh a si lai. Kawlram ummi caah cun Thaizing Zing Suimilam 7:00 Am to 9:00 Am karlka ah a si lai.

Singapore ONE On TNT-4 Ah aa phomh dingmi Aung La Nsang le Ridder cu Singapore an phan cang. Laimi nih kan tanhtuk Aung La Nsang hi tutan hi zeidah a lawh hnga? Thin phan dai lo bak si ko cang hih. Tutan cu Kachin harnak an tontuk lio a si caah Aung La N Sang nih teinak hmu hram seh law, a tha tuk hnga? Thlacamnak in bawm cio hna u sih!

Tutan hi cu Ridde nih Aung La Nsang cu a ngamhtuk lawmmam. A chimmi cu Aung La Nsang nih zeitikhmanh ah a ka tei kho lai lo ti bak in bia chim cang. Hi i thonghnak kong zongah Aung La Nsang hi a ngamh tuk caah Aung La Nsang he nan i phomh lai an ti tikah a rannak in i thonghnak kongah min a thut colh hi a si.